दमक। दमक ६ स्थित सूर्यदर्शन बचत तथा ऋण सहकारी संस्थाले पाँच लाखको निशुल्क दुर्घटना बीमा कार्यक्रम ल्याएको छ । संस्थाले आज देखि आफना सदस्यहरुका लागि पाँच लाख रुपैयाँ सम्मको दुर्घटना बीमा गरिदिने कार्यक्रम ल्याएको हो ।

न्यूनतम १० कित्ता शेयर भएका संस्थामा नियमित बचत गर्ने सदस्यहरुलाई यो कार्यक्रममा समावेश गराइने संस्थाले जनाएको छ ।

सो कार्यक्रममा नियमित मासिक बचत गर्ने तथा संस्थामा नियमानुसार बुझाउनु पर्ने रकम नियमित बुझाएका सदस्यहरुले यो सुविधा पाउने संस्थाका कर्जा प्रमुख ईश्वर नेपालले जानकारी दिए ।

संस्थाले सो कार्यक्रममा सहभागी हुन सहकारीको बजार शाखाका कर्मचारी वा संस्थामा सोझै सम्पर्क गर्नुपर्ने जनाएको छ ।