झापा । प्रधानमन्त्रीको असंवैधानिक कदमबाट प्रतिनिधिसभा विघटनलाई पुर्नस्थापनाको माग गर्दै जनता समाजवादी पार्टी (जसपा)ले देशव्यापी प्रदर्शन गरेको छ । आज जसपाले देशको सबै स्थानीय तहहरु महानगर, उपमहानगर, नगरपालिका र गाउँपालिकामा जनप्रदर्शन तथा विरोधसभा गरेको हो ।

देशको मुख्य शहर काठमाडौं, ललितपुर, विराटनगर, विरगञ्ज, पोखरा, धरान, जनकपुर लगायत स्थानहरुमा प्रदर्शन गरेको थियो । प्रदर्शनकारीहरूले ‘असंवैधानिक, अलोकतान्त्रिक र प्रतिगामी कदम खारेज गर’, ‘प्रतिनिधिसभा पुनस्र्थापना गर’ जस्ता नाराहरु लगाएका थिए ।

जनताले जनआन्दोलनको बलमा स्थापना गरेको संघीय लोकतान्त्रिक गणतन्त्र खतरामा परेको भन्दै जसपा प्रतिगमनको विरुद्ध निरन्तर सडक आन्दोलनमा उभिएको छ । यसैगरी झापाका सबै स्थानीय तहमा विराेध प्रर्दशन गरिएकाे स्राेतले जनाएकाे छ ।