ताप्लेजुङ्। संघीय लोकतान्त्रिक राष्ट्रिय मञ्चको मेचीकाली अभियान टोली ताप्लेजुङ् पाथीभरा याङ्वरकको चाक्सिबोटेमा पुगेको छ । मञ्चका संघीय अध्यक्ष कुमार लिङदेन मिराक नेतृत्वको टोलीले दुई महिना अघि देखि निरन्तररुपमा मञ्चको राजनीति एजेण्डालाई गाउँगाउँमा पु¥याउने अभियानको रुपमा त्यहाँ पुगेको हो ।
संघीय लिम्बुवान मञ्च, नेपाल जिल्ला कार्य समिति ताप्लेजुङ्को व्यवस्थापनमा जिल्लाको स्थानीय पालिकाहरुमा कार्यक्रम आयोजना गर्ने क्रममा पाथीभरा याङवरकमा राजनीति भेटघाट तथा अन्तरक्रिया कार्यक्रम आयोजना गरिएको मञ्चका केन्द्रीय सदस्य रिता मादेनले वताइन् ।
मन्तव्यको क्रममा बोल्दै अध्यक्ष लिङदेनले –मञ्चले स्थापनाकाल देखि नै संघीयता, पहिचान, आत्मानिर्णयको अधिकार सुनिश्चितताको लागि र लिम्बुवान सहितको १०+१ प्रान्त स्थापनार्थ निरन्तर अभियानको दौरानमा रहेकोे बताए । अध्यक्ष लिङदेनले १०+१ भनेको १० प्रान्त र १ गैरभौगोलिक प्रान्त गरेर ११ वटा प्रान्त भनिएको हो, उनले मञ्चको झण्डा नै १० वटा ताराको बिच एउटा तारा भएकोले झण्डाले नै प्रष्ट पारेको बताए । यसै प्रसङ्गमा लिङ्देनले –लिम्बुवान सहितको प्रान्तहरुको सुनिश्चत गरेर मात्र आफू राजनीतिबाट सन्यास लिने उद्घोष गर्दै प्रदेश नं. १ को नाम लिम्बुवान खम्बुवान किरात नराख्न सरकारसँग माग गरेका छन् ।
चाक्सिबोटेमा आयोजित कार्यक्रममा मञ्चका प्रान्तीय महासचिव शान्ता योङ्हाङ, दलित मुक्ति मञ्चकी महासचिव शर्मिला वागचन्द, ताप्लेजुङ् जिल्ला अध्यक्ष भुपेन्द्र मावो लगायतले सम्बोधन गरेका थिए भने विभिन्न सांगीतिक कार्यक्रमहरुको समेत आयोजना गरिएको मञ्चकी प्रान्तीय उपमहासचिव इन्दीरा मेन्याङ्बोले बताइन् । कार्यक्रममा मञ्चका उपाध्यक्ष डिवी खुदाङ, संघीय अर्थ सचिव विष्णु यक्सो, संघीय सदस्यहरु चन्द्र कन्दङ्वा, सुर्य लिम्बु, मुक्साम लाबुङ् लगायत नेताहरुको उपस्थिति रहेको थियो ।
दमक । किरात याक्थुङ चुम्लुङले लिम्बुवान र तत्कालीन गोर्खा राज्यबीच भएको ऐतिहासिक नुनपानी सन्धिको २५२औँ वर्ष स्मरण गर्दै प्रधानमन्त्रीका नाममा ज्ञापनपत्र बुझाएको छ । किरात याक्थुङ चुम्लुङ केन्द्रीय कार्यसमितिको समन्वयमा विभिन्न संघसंस्था र राजनीतिक दलका...
प्रवास । मलेसियाको जोहोर बारुस्थित JO Hotel JB मा आयोजित किराँत याक्थुङ चुम्लुङ जोहोरको प्रथम अधिवेशन–२०२६ सम्पन्न भएको छ । अधिवेशनले हरि वाजी लिम्बुको अध्यक्षतामा नयाँ समिति गठन गरेको छ । किराँत याक्थुङ चुम्लुङका संघीय...
स्पेनले दोस्रोपटक विश्वकप फुटबलको उपाधि चुमेको छ । सोमबार विहान न्यु जर्सीको मेटलाइफ रंगशालामा भएको खेलमा डिफेन्डिङ च्याम्पियन अर्जेन्टिनालाई अतिरिक्त समयमा १–० गोलले पराजित गरेको हो । स्पेनले खेल पूर्ण रूपमा आफ्नो नियन्त्रणमा राखेको थियो ।...
अशाेक चेम्जाेङ् मानव सभ्यताको विकास संगसँगै कृषि, संस्कृति र सामुदायिक जीवन पद्धति आपसमा गाँसिँदै गएको देखिन्छ । याक्थुङ (लिम्बु) समुदायमा पनि यही प्रक्रियाबाट प्रारम्भिक जीवनदेखि शिकार, वनजन्य खाद्य संकलन गर्ने, पशुपालनमा निर्भरता, क्रमशः स्थायी बस्ती...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७