धनकुटा। धनकुटाको महालक्ष्मी नगरपालिका ९ मुर्तिढुङ्गामा संघीय लोकतान्त्रिक राष्ट्रिय मञ्च तथा संघीय लिम्वुवान मञ्च नेपालले अन्तरक्रिया कार्यक्रम साथै वडा संगठन विस्तार कार्यक्रम सम्पन्न भएको छ ।

मञ्चको मेचीकाली अभियानका प्रमुख अध्यक्ष कुमार लिङदेन मिराकद्वारा मञ्चको पछिल्लो राजनीति गतिविधि, भेटघाट र पार्टीद्वारा प्रकाशित राजनीतिक एजेण्डा पुस्तिकालाई गाउँगाउँ पु¥याउने अभियानलाई जोडन कार्यक्रमको आयोजना गरिएको हो ।

यस मेचीकाली अभियानको क्रममा महालक्ष्मी नगरपालिका ९ को वडा संगठन डम्बर मादेनको अध्यक्षतामा विस्तार गरिएको मञ्चका सचिवालय सदस्य सजन याक्खाले बताएका छन् ।

उक्त समितिको उपध्यक्षमा जय राज मादेन, सचिवमा अमृत तामाङ, सह–सचिवमा भरत लिम्बू, कोषध्यक्षमा सुमन मादेन चयन भएका छन् भने सदस्यहरूमा नीर बहादुर तामाङ, मान बहादुर तामाङ, गोकुल मादेन, सन्तोस मादेन, खडग बहादुर मादेन, डम्वर बहादुर मादेन, निर्मला तामाङ, राम माया लिम्वु, मुना बयालकोटी, बषन्ती मादेन रहेका छन् ।

त्यसैगरी सोही कार्यक्रममा लिम्बुवान भोलेन्टियर्स वार्ड कमाण्डरमा जयराज मादेन, राज मादेन, मान बहादुर राई र सुजन मादेनलाई नियुक्ति पत्र प्रदान गरिएको छ ।

कार्यक्रममा पार्टीका उपाध्यक्ष विष्णु तुम्बाहाम्फे, संघीय अर्थसचिव विष्णु यक्सो, प्रान्तीय उपमहासचिव चन्द्रसिंह नेम्बाङ, सचिव राजु राई, संघीय सदस्यहरु चन्द्र कन्दङ्वा, सुर्य लिम्बु, सजन याक्खा लगायत नेताहरुको उपस्थिति रहेको थियो ।

कार्यक्रमको सभाध्यक्षता महालक्ष्मी नगर समिति अध्यक्ष गुरु प्रसाद लिम्वुले गरेका थिए भने नगर सचिव पदम आङलाबाङले कार्यक्रम संचालन गरेका थिए ।