दमक। दमक–ताप्लेजुङ सम्पर्क मञ्चले ताप्लेजुङ दोभानका अग्नीपीडितहरुलाई नगद रु २ लाख बढी राहत रकम प्रदान गरेको छ । दुई साता अघि आगोलागीबाट विस्थापित भएका परिवारलाई राहत पु¥याउन मञ्चले नगद रु २ लाख ११ हजार रुपैयाँ प्रदान गरेको हो ।

मञ्चले एकहप्ता अघि स्थानीयस्तरमा एक सहयोग समिति गठन गरि सहयोग रकम जुटाएको थियो । टोलीले आज विहान घटनास्थलमा पुगेर संकलित नगद राहत मेरिङदेन गाउँपालिकाका अध्यक्ष गणेश चोङबाङ र प्रशासकीय अधिकृत डम्बर आङदेम्बेलाई संयुक्त रुपमा हस्तान्तरण गरिएको सम्पर्क मञ्चका अध्यक्ष समेत रहेका दमक ७ का वडाध्यक्ष भिम प्रसाद पौडेलले जानकारी दिएका छन् ।

गाँउपालिकाले अग्नीपीडितहरुको व्यवस्थापनका लागि सहयोग अभियान सञ्चालन गरिआएको छ । अभियान अन्तर्गत देश विदेशबाट करिब ४० लाख रुपैयाँ नगद तथा अन्य विभिन्न जिन्सी समान प्राप्त भईरहेको उनले वताए ।

ताप्लेजुङबाट दमक आएर बस्दै आएका सर्वसाधारणहरुले सम्पर्क मञ्चको अगुवाईमा सहयोग जुटाईएको संस्थाका सचिव मोहन बगालेले जानकारी दिए । उनले दमकका विभिन्न वडामा बसोबास गर्दै आएका साथै बिदेशमा रहेका आफन्तहरुले समेत सम्पर्क मञ्चको राहत सहयोग संकलनमा सहयोग पुरयाएको र सहयोग जुट्नेक्रम जारी रहेको वताए । मञ्चका अध्यक्ष पौडेलसहित दमक ४ का वडाध्यक्ष कुमार साम्सोहाङ, मञ्चकी कोषाध्यक्ष शान्ता तामाङ, सम्पर्क मञ्चका सदस्य चैतन्य बराल, पबित्रा तामाङ र बिष्णु पौडेलसहितको एक टोली घटनास्थलमा पुगेको थियो ।