विराटनगर। प्रेस चौतारी नेपालको नेतृत्वको व्यवसायिक, समाजेवशी संयुक्त प्यानलले पत्रकार महासंघ जिल्ला कार्यालय विराटनगरमा १ नम्बर प्रदेश समिति उम्मेद्वारहरुको उम्मेद्वारी घोषणाको गरेको छ । चौतारीसँगै प्रेस मञ्च नेपाल, संघीय पत्रकार मञ्च र संघीय पत्रकार परिषदको संयुक्त प्यानलले २१ सदस्यीय कार्य समितिका सबै उम्मेद्वारहरुको नाम घोषणा गरेको हो ।

झापाका अग्रज क्रियाशिल पत्रकार मोहन काजीको नेतृत्वमा २१ जना उम्मेद्वारहरुको नाम उक्त कार्यक्रममा घोषणा गरिएको छ । उपाध्यक्षमा रोहित कुमार राई, महिला उपाध्यक्षमा कोकिला ढकाल, महासचिवमा फिपराज वेघा, सचिवमा अविजाल विष्ट, समावेशी सचिवमा सन्तवीर लामा, कोषाध्यक्षमा सन्तोष रुचाल रहेका छन् ।

त्यसैगरी खुल्ला सदस्यहरुमा कमल रिमाल, केशवबहादुर चौहान, तेजेन्द्र भण्डारी, मिनराज (प्रवास) उप्रेती, युवराज विवश रहेका छन् । आदिवासी सदस्यमा उपेन्द्र चाम्लिङ र दिल कुमार लावती यसरी नै मधेशी सदस्यमा चन्दनकुमार रौनियार र सुर्यनारायण यादव रहेका छन् । महिला सदस्यहरुमा बिनादेवी तामाङ, शुभद्रा प्याकुरेल र सुमित्रा कोइराला छन् भने दलितमा रणध्वज लोहार र अल्पसंख्यक सदस्यमा विजय धिमालको नाम घोषणा गरिएको छ ।

घोषित नामहरुमा महासचिव पदका उम्मेद्वार फिपराज वेघा, बिनादेवी तामाङ् र मधेशी सदस्य सुर्यनारायण यादव प्रेस मञ्च नेपालका हुने । समावेशी सचिवका उम्मेद्वार सन्तवीर लामा संघीय पत्रकार परिषदका हुने भने आदिवासी जनजाति सदस्य दिल कुमार लावती संघीय पत्रकार मञ्च, नेपालका उम्मेद्वार हुन् भने बाँकी सबै प्रेस चौतारीका उम्मेद्वार रहेका छन् ।