फिदिम । याक्थुङ् युवा मञ्चको अध्यक्षमा सुसन हुक्पा चोङबाङ चयन भएका छन् । पाँचथरको फिदिममा जारी दोस्रो महाधिवेशनले ९ बुँदे सुम्हालुङ घोषणा पत्र जारि गर्दै याक्थुङ युवा मञ्चको दोस्रो महाधिवेशन सम्पन्न भएको हो ।

महाधिवेशनले हुक्पाचोङबाङको अध्यक्षतामा १९ सदस्यीय नयाँ केन्द्रिय कार्यसमिती चयन गरेको आज फिदिममा पत्रकार सम्मेलनको आयोजना गरि जानकारी दिइएको छ ।

समितिको वरिष्ठ उपाध्यक्षमा प्रज्ञा इजम यस्तै उपाध्यक्षहरुमा कमल हाङसरुम्बा, मणिबिक्रम योङहाङ, राजेन्द्र इधिङगो र रञ्जुला तेयुङ रहनुभएको भएको छ । यस्तै महासचिवमा मनिष आङबो, सचिवहरुमा गणेश तुम्रोक, नारायण आङखेवा, सुवास लुङफुवा र रितुराज तेयुङ साथै कोषाध्यक्षमा घनाश्याम थेवे रहनुभएको छ । समितिको सदस्यमा ६ जना रहेका छन् ।

मञ्चले ९ बुँदे सुम्हालुङ घोषणा पत्र प्रेश विज्ञप्ती पत्रकार सम्मेलन मार्र्फत जारि गरिएको हो । प्रेश विज्ञप्तीमार्र्फत जारि गरिएको घोषणा पत्रमा युवाहरुलाई परिश्रमी, उद्यमशिल तथा सिर्जनसिल बन्न अभ्रिप्रेरि गरि विदेश पलायन हुने प्रवृतिला्ई निरुत्साहित गर्ने, ऐतिहासिक पृष्ठभुमिको आधारमा अरुणपुर्व ९ जिल्ला लिम्बुवान प्रदेश स्थापनाको लागि माग गर्ने, “याक्थुङ पाःन पारि” अभियान सञ्चालन गर्ने लगायतका बुँदाहरु रहेका छन् ।