चुलाचुली,२ बैशाख । इलामको चुलाचुली- ४ आइतवारेमा स्थापना भएको चुलाचुली मिडिया हाउसले थप अर्को कार्यक्रम “चुलाचुली संवाद” शुरु गरेको छ ।

बैशाख १ गते गतेदेखि सो कार्यक्रम औपचारिक रुपमा सञ्चालनमा ल्याईएको चुलाचुली मिडिया प्रालिका संचालक चेतन आङथुपोले वताए । सो मिडिया हाउसले यसअघि बेव श्रृंखला “सेवारो बाजे” र कला, साहित्य “समय र सिर्जना” कार्यक्रम प्रस्तुत गर्दै आएको छ ।

५२ एपिसोड रहने सो कार्यक्रमको भुमि व्यवस्थापन समस्या आयोग इलामका अध्यक्ष ओम नारायण खनालले उद्घाटन गरे । खनालले प्रोजेक्टर मार्फत स्वीच अन गरेर कार्यक्रमको इन्ट्रो भिडियोलाई पर्दामा देखाएर उद्घाटन गरिएको हो ।

कार्यक्रममा बोल्दै खनालले भने,‘यस्ता खालका कार्यक्रमहरु आवश्यकता भएतापनि हालसम्म सुचारु हुन नसकेको र चुलाचुली संवादले अब पूरा गर्नेमा आँफुहरु विश्वस्त रहेको औल्याए ।

कार्यक्रममा राजनीतिकर्मी राजेन्द्र केरुङ, शिक्षाविद गगन लावती, चुलाचुली गाउँपालिका सामाजिक विकासका संयोजक रामप्रसाद राई, शिक्षक लोकनाथ पौड्याल लगायतको उपस्थिति रहेको थियो । बैशाखको दोस्रो साताबाट हरेक शनिबार साँझ ७ बजे चुलाचुली मिडियाको अफिसियल युटुव च्यानलबाट प्रशारण हुने भएको छ ।

सेवारो बाजे श्रृंखलाको व्यवस्थापक चन्द्र दंगालले स्वागत मन्तव्य सुरु गरे संगै सुरु भएको कार्यक्रम सन्तोस गिरीले संचालन गरेका थिए । मानव कम्प्यूटर ट्रेनिङ सेन्टरको प्रायोजन रहेको सो कार्यक्रमको अध्यक्षता प्रकाश सुहाङले गरेका थिए ।