पान्थर। पापोहाङ लाओती सयङको पाँचौ केन्द्रिय महाधिवेशन पान्थरको फेदेन नगरपालिका ९ लुम्फाबुङमा हुने भएको छ । आगामी बैशाख १३ र १४ गते दुई दिन विभिन्न कार्यक्रम सहित सम्पन्न हुने भएको छ ।

बैशाख १३ गते बिहान ११ बजे देखि खुला सत्र शुरु हुनेछ भने १४ गते बन्दसत्र हुने भएको छ । १३ गते खुल्ला सत्रमा पापोहाङ लाओती सयङको ऐतिहासिक चोत्लुङ (१२ फिट्को स्तम्भ) पापोहाङ लाओती सयङको प?ङ्लुङ र प?लुङ स्थापना साथै सोही साँझ लाओतीहरुको ऐतिहासिक तथा पहिलो प्रकाशनमा आएको बङ्शावली पुस्तक लोकार्पण कार्यक्रम रहेको महाधिवेशन तयारी समितिका संयोजक विजयबोध लावतीले जानकारी दिए ।

बैशाख १४ गते बन्दसत्रले नयाँ कार्यसमिति चयन गरि सपथ ग्रहण कार्यक्रम हुने र सोही दिन विभिन्न सांस्कृतिक झाँकीहरु प्रदर्शन हुने र सांस्कृतिक प्रतियोगिता अन्तर्गत केःलाङ नाँच र याःलाङ नाँच हुने जनाइएको छ । उक्त प्रतियोगी बिजेतालाई १५ हजारको पुरस्कार दिइने साथै लिम्बू भाषिक कबिता प्रतियोगिता साथै सांस्कृतिक हाँस्य मनोरञ्जनात्मक कार्यक्रम पनि रहने शनिबार प्रकाशित प्रेस बिज्ञप्तिमा बताइएको छ ।

बैशाख ४ गते शनिबार पान्थरको फेदेन स्थित चाम्देन होटलको सभाहलमा यस कार्यक्रमको बारेमा पत्रकार सम्मेलन मार्फत उक्त कार्यक्रमका संयोजक विजयबोध लावतीले प्रेस विज्ञप्ति जारी गरेका छन् ।