पापोहाङ लाओती सयङको पाँचौ महाधिवेशनको उद्घाटन कार्यक्रम सम्पन्न
मङ्गलबार, १४ बैशाख, २०७८ बिहानको ०७:३६ बजे,
लिम्बुवान न्युज
पाँचथर। पापोहाङ लाओती सयङको ऐतिहासिक पाँचौ महाधिवेशनको खुल्ला सत्र फिदिम ९ लुङ्फाबुङ्मा सम्पन्न भएको छ । लिम्बुवान आन्दोलनका जिवित व्यक्तित्व बयोबृद्ध बृजहाङपती जवेगुको प्रमुख आतिथ्यता रहेको उक्त महाधिवेशनले सयङ्लाई आर्थिक सहयोग गर्ने दाजुभाईहरुलाई ताम्रपत्रले सम्मान गरेका छन् ।
लुङफाबुङमा रहेको पापोहाङ लाओतीहरुको माङ्गेन्ना यकमा करिब ७ फिट अग्लो लाओती चोत्लुङ् ढुंगाको कार्यक्रमका प्रमुख अतिथि जवेगुले अनावरण गरि कार्यक्रम शुरु भएको थियो । कार्यक्रमलाई सम्बोधन गर्दै प्रमुख अतिथि बयोबृद्ध जवेगुले लाओतीहरुको वंशावली प्रकाशन ढिलै भएपनि भएकोमा बधाई दिएका छन् । साथै लाओतीहरुसँग जोडिएका सात पगरीसँगको सम्बन्धलाई ऐतिहासिकता दिन समेत अनुरोध गरेका छन् । उनले लिम्बुवान आन्दोलनको विगत र वर्तमानको समेत चर्चा गरेका छन् ।
कार्यक्रममा हरिचन्द्र लाओती, येहाङ लाओती लगायतका लाओती बुद्धिजिवीहरुले पापोहाङ् लाओती बारे आफ्नो धारणा राखेका थिए ।
उक्त कार्यक्रममा पापोहाङ लाओती सयङका सल्लाहकारहरु, बुद्धिजिवि लगायत सयङलाई योगदान पु¥याउनु हुने व्यक्तित्वहरुको समेत उपस्थिति रहेको छ । विविध सांस्कृतिक कार्यक्रम सहित भएको उद्घाटन कार्यक्रममा विभिन्न क्षेत्रमा योगदान पु¥याउने व्यक्तित्वहरुलाई समेत सम्मान गरिएको थियो ।
नौ जिल्लाका विभिन्न गाउँबाट महाधिवेशनमा प्रतिनिधिहरु सहभागी भएको कार्यक्रम संयोजक सयङका उपाध्यक्ष विजय बोध लाओती बताए । उनका अनुसार महाधिवेशनको दोस्रो दिन नयाँ कार्यसमितिको चयन हुने बताएका छन् । यसरी नै विभिन्न कार्यक्रमहरु केलाङ र यालाङ प्रतियोगिता, लिम्बु भाषा कविता गोष्ठी लगायत सांगीतिक कार्यक्रम समेत गरिने बताएका छन् । उनले अब हरेक बर्ष लुङफाबुङ् लिम्बु महोत्सव हुने समेत बताए ।
दमक, १९ बैशाख । पहिचान पक्षधरले इलाम-२ मा सम्पन्न उपनिर्वाचनका क्रममा प्राप्त जनमतले संसदीय लोकतन्त्रमा पहिचानको राजनीति सुनौलो दिशातर्फ अघि बढेको निष्कर्ष निकालेका छन । बुधबार प्रदेश १ पुनः नामाङकन संयुक्त संघर्ष समितिमा आबद्व विभिन्न...
बैशाक १५, इलाम । इलाम क्षेत्र २ मा अहिले भइरहेको उपनिर्वाचनमा पहिचान पक्षधर स्वतन्त्र उम्मेदवार डकेन्द्रसिंह थेगिमले फाकफोकथुमको आमचोकस्थित सिंहदेबि मतदान केन्द्रबाट मतदान गरेका छन् । उनले बिहानको ७ बजे सिंहदेबी मा.बि. शुक्रबारे (क)मा मतदान...
इलाम, माङसेबुङ । इलाम—२ को उपनिर्वाचनको लागि हातले बनेको मुढा चुनाव चिन्ह लिएका साझा स्वतन्त्र उमेद्वार डकेन्द्रसिंह थेगिम लिम्बूको माहोल झनझन बढ्दै गएको छ । यसै क्रममा सोमबार इलामको माङ्सेबुङ गाउँपालिकाको लारुम्बामा समर्थक÷शुभचिन्तकहरुले साढे पाँच...
इलाम, माङसेबुङ ६ । मुढा चुनाव चिन्ह लिएका इलाम—२, उपनिर्वाचनको साझा स्वतन्त्र उमेद्वार डकेन्द्रसिंह थेगिम लिम्बूको आज –मंगलबार० माङ्सेबुङ्ग—६ चिसोपानी पञ्चमी बजारमा भब्य चुनावी सभा समापन भएको छ । चुनावी सभाको प्रमुख अतिथि रहेका धरान...
हाम्रो बारेमा
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
सम्पर्क ठेगाना
ईमेल
Limbuwan.khabarnews@gmail.com
विज्ञापन शाखा
९८४४६५८८४४
हाम्रो टीम
प्रवन्ध निर्देशक/प्रधान सम्पादक
दिल कुमार लावती
९८४४६५८८४४/९८२४०१२१८२