दमक। जिल्लामा उच्चदरले कोरोना संक्रमण फैलिदै गएपछि त्यसको नियन्त्रणको लागि जिल्ला प्रशासन कार्यालय झापाले मंगलबार आदेश जारी गर्दै बुधबार बेलुकी १२ बजेदेखि पूर्ण निषेधाज्ञा जारी गरेको छ ।

जिप्रका झापाले जारी गरेको आदेश बैशाख ३१ गते मध्यरातिसम्म लागू हुने प्रमुख जिल्ला अधिकारी श्रवणकुमार तिमिल्सिनाद्वारा मंगलबारराति जारी आदेशमा उल्लेख छ ।

यस अघिको निषेधाज्ञा आंशिक कायम गरिएको थियो तर कोरोनाको संक्रमण दर उच्च गतिमा बढ्दै गएपछि प्रजिअ तिमिल्सिनाले पूर्ण निषेधाज्ञाको आदेश जारी गरेका छन् । निषेधाज्ञाको समयमा कुनै पनि व्यक्तिलाई अत्यावश्यक काम बाहेक घरबाहिर ननिस्कन आदेश दिइएको छ भने अत्यावश्यक सेवा बाहेकका सबै गाडी र पसल समेत बन्द गरिएको छ ।

विश्वभर फैलदै गईरहेको नयाँ भेरियन्टको कोभिड–१९ महामारी नेपालमा समेत तिब्र रुपमा फैलिएको छ । तिब्र गतिमा फैलिएको छिमेकी राष्ट भारतसँग सिमाना जोडिएको जिल्ला झापामा समेत संक्रमण तीब्ररुपमा बढिरहेको हुँदा उक्त संक्रमणको रोकथाम र नियन्त्रणका लागि नेपाल सरकार मन्त्रिपरिषद्बांट प्रत्यायोजित अधिकार बमोजिम संक्रामक रोग ऐन, २०२० को दफा २ र स्थानीय प्रशासन ऐन, २०२८ को दफा ६ को उपदफा ३ ले प्रमुख जिल्ला अधिकारीलाई दिएको अधिकार प्रयोग गरी झापा जिल्लाभर लागू हुने गरी निषेधाज्ञाको आदेश जारी गरिएको आदेशमा जनाइएको छ ।

आदेशमा भनिएको छ– ‘यो आदेशको पालना गर्नु गराउनु सबै व्यक्ति, संघ, संस्था पेशाकर्मी व्यवसायी तथा आम नागरिकको कर्तव्य हुनेछ’– प्रजिअ तिमिल्सिनाद्वारा जारी आदेशमा भनिएको छ– ‘यो आदेशको उल्लंघन गरेमा प्रचलित कानून बमोजिम कारवाही हुने व्यहोरा समेत सम्बन्धित सबैमा जानकारी गराइन्छ ।’

प्रजिअद्वारा जारी गरिएको आदेशमा के के कुरा उल्लेख छन् त तल हेर्न सकिनेछ: