दमक। जंगली हात्तीको आक्रमणबाट झापामा एक व्यक्तिको मृत्यु भएको छ । कमल गाउँपालिका ३ शहिदगेट निवासी ४५ वर्षीया जीत वहादुर खोयाङ लिम्बुको मृत्यु भएको हो ।

मर्निङवाक जाने क्रममा उनलाई आज विहान ५ वजे जंगली हात्तीले आक्रमण गरेको थियो । जंगली हात्तीको आक्रमणबाट उनको घटनास्थलमा नै मृत्यु भएको हो ।

विहान मर्डिङ वाकमा निस्किएका खोयाङलाई शहिदगेट उत्तर २१ नम्वर वाहिनी अड्डाको पश्चिम तर्फको जंगलमा हात्तीले आक्रमण गरेको छिमेकी सोमी लावतीले बताइन् । मृतकको शवलाई पोष्मार्टमको लागि दमक अस्पतालमा लगिएको जिल्ला प्रहरी कार्यालय झापाका प्रहरी नायव उपरीक्षक राकेश थापाले बताए ।