याङवरक/ पान्थरको याङ्वरकमा संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल याङ्वरक कार्य समितिले निःशुल्क माक्स र सेनिटाईजर वितरण गरिएको छ । आज “कोरोनाबाट आफू पनि बाचौँ र अरुलाई पनि बचाऔँ” भन्ने नारा सहित याङवरकको दारिम्बा देखि गणेश चोकसम्म प्रहरी चौकी नागी थर्पुको समन्वयमा माक्स तथा सेनिटाईजर वितरण गरिएको हो ।

मञ्चका याङ्वरक उपाध्यक्ष दिल कुमार लक्सम, पोलिस्टार तावा, प्रहरी चौकी नागी थर्पुका ईन्चार्ज भिमराज थेबे, सचिव हेमराज योङहाङ, गणेश चोक ट्राफिक बिटका प्रहरी, खेल विभागका संयोजक अमृत योङहाङ लगायत युवा नेताहरुको अगुवाईमा वितरण कार्यक्रम आयोजना गरिएको थियो ।

थर्पु चाैकीका इन्चार्जलाइ माक्स र सेनिटाइजर प्रदान गर्दै मञ्चका उपाध्यक्ष पाेलिष्टार तावा

विश्वमा महामारीको रुपमा फैलिरहेको कोरोना भाइरसको दोस्रो लहर नेपालमा पुनः फैलिरहेको हुँदा सर्वसाधरणमा निशुल्क माक्स र सेनिटाईजर वितरण गर्दै आवश्यक काम बाहेक कोही पनि घरबाट बाहिर ननिस्कन, माक्स लगाउन, सामाजिकदुरी कायम राख्न, सेनिटाईजर प्रयोग गर्न र भिडभाड नगर्न जनचेतनाको लागि माइकिङसमेत गरिएको उपाध्यक्ष तावाले बताए ।

उपाध्यक्ष तावाका अनुसार गणेश चोक ट्राफिक प्रहरी बिट र प्रहरी चौकी नागी थर्पुलाई समेत मास्क साथै सेनिटाइजर प्रदान गरिएको छ ।