आज राष्ट्रियसभा उपनिर्वाचनः बादल विरुद्ध देवकोटा कसले मार्ला बाजी ?

,   लिम्बुवान न्युज
                       

काठमाडौं । आज राष्ट्रियसभामा रिक्त एक पदका लागि वागमती प्रदेशमा उपनिर्वाचन हुँदैछ । प्रदेशको अन्य समूहतर्फ रिक्त पदका लागि उपनिर्वाचन हुन लागेको हो ।

उपनिर्वाचनमा सत्तारुढ एमालेको तर्फबाट गृहमन्त्री रामबहादुर थापा (बादल) छन् भने विरुद्धमा संयुक्त गठबन्धन बनाई एमालेका माधव–झलनाथ समूहका खिमलाल देवकोटा रहेका छन् । त्यसैगरी नेमकिपाका कृष्णबहादुर तामाङको पनि उम्मेद्वारी रहेको छ ।

बादललाई एमालेको साविकको सूर्य चुनाव चिन्ह नै निर्वाचन चिन्ह प्रदान गरिएको छ भने देवकोटाले कलम चुनाव चिन्हबाट चुनाव लड्दैछन् । संघीयताविज्ञ रुपमा परिचित देवकोटालाई कांग्रेस, माओवादी, जसपा र एमाले माधव–झलनाथ समूहको समर्थन रहेको छ । मुख्य प्रतिस्पर्धी भने बादल बिरुद्ध देवकोटा नै हुन् । यी दुवै नेकपा एमालेका भएकाले निर्वाचन परिणामलाई निक्कै चासोका साथ हेरिएको छ ।

कुनै प्राविधिक त्रुटि नआएमा आजै मतपरिणाम आउन सक्ने निर्वाचन आयोगकले जनाएको छ । निर्वाचनमा प्रदेशसभा सदस्य, स्थानीय तहका प्रमुख र उपप्रमुखहरुले मतदान गर्नेछन् । वागमती प्रदेशका प्रदेश सदस्य ११० जना, १३ वटा जिल्लाका ११९ स्थानीय तहका २३८ जना प्रमुख उपप्रमुखहरुले मतदान गर्नेछन् । जम्मा ३४८ मतदाता रहेको हुँदा गणना गर्न धेरै समय नलाग्ने आयोगले जनाएको छ ।

मकवानपुरको हेटौडास्थित भुटनदेवी माविमा विहान ९ बजेदेखि अपरान्ह ३ बजेसम्ममा मतदान सकिने छ । भोट खसाल्न तीनवटा बुथ राखिएको छ । (क) मा प्रदेशसभा सदस्यहरु, (ख) मा स्थानीय तहका प्रमुख र उप्रमुखहरु र (ग) मा कोरोना भाइरसबाट संक्रमित सबैको लागि व्यवस्था गरिएको छ ।

यस्तैगरी राष्ट्रियसभामा रिक्त अर्को एक पदका लागि लुम्बिनी प्रदेशमा यही जेठ १७ गते उपनिर्वाचन हुँदैछ । त्यहाँ नेकपा (एमाले)का तर्फबाट चन्द्रबहादुर खड्का र गठबन्धनको तर्फबाट दृगनारायण पाण्डे प्रतिस्पर्धामा छन् ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;