झापा। झापा जिल्लामा हालसम्म कोरोना संक्रमणबाट मृत्यु हुनेको संख्या २१३ पुगेको छ । आज मृत्यु हुने दुई जना अर्जुनधारा ११ का होम आइसोलेखनमा रहेका ६० बर्षीय पुरुष र वि एण्ड सी अस्पतालमा उपचार भईरहेका कन्काई १ का अर्को ३२ बर्षीय पुरुषको मृत्यु भएसँगै कोरोनाबाट मर्नेको संख्या २१३ पुगेको हो ।

सोमबार गरिएको पीसिआर तथा एन्टिजेन परिक्षणको नतिजा अनुसार झापामा पछिल्लो २४ घण्टामा २४७ जना कोरोनाका नयाँ संक्रमित थपिएको जिल्ला स्वास्थ्य कार्यालयले जनाएको छ ।

जिल्ला स्वास्थ्य कार्यालयले दिएको पछिल्लो जानकारी अनुसार दमकमा २८, विर्तामोडमा ३१, गौरादहमा ३, मेचीनगरमा सबैभन्दा धेरै ६६ जना, भद्रपुरमा ९, कन्काईनगरमा १४, हल्दीबारीमा १, अर्जुनधारामा १७, बुद्धशान्तीमा १०, गौरीगञ्जमा ७, कचनकवलमा १, कमलमा १९, शिवसताक्षीमा ४, बाह्रदशीमा १, झापा गाउँपालिकामा २ र ठेगाना नखुलाका ३ जना नयाँ संक्रमित थपिएका छन् ।

स्वास्थ्य कार्यालय झापाका अनुसार हाल जिल्लामा सक्रिय संक्रमित संख्या ३ हजार ८ सय १६ रहेको छ भने ५ हजार ४ सय ५० जना कोरोना संक्रमितहरुले कोरोना जितीसकेका छन् ।