दमक। नेत्र विक्रम चन्द विप्लव नेतृत्वको नेपाल कम्युनिस्ट पार्टी झापाले दमकको सुकुम्बासी बस्ती माथि भएको दमनको निन्दा गरेको छ । दमक ७ स्थित पञ्चमुखी टोलको सुकुम्बासी बस्ती माथि जेठ १० गते नगरपालिका र जिल्ला प्रशासन कार्यालयको निर्देशनमा प्रहरी परिचालन गरि दमन गरिएको प्रति विप्लवले नगरपालिकालाई ध्यानाकर्षण गर्दै निन्दा गरेको हो ।

बुधबार विप्लव नेकपाका झापा जिल्ला सचिव प्रशान्तले विज्ञप्ति जारी गर्दै कोरोना महामारीको दोस्रो लहरमा गुज्रिरहेको परिपेक्ष्यमा निषेधाज्ञाले श्रमजिवीहरु दैनिक गुजाराबाट जिविकोपार्जन गर्न समेत असक्षम भैरहँदा राज्यले राहातको प्याकेजको सट्टा त्रिपाल मुनी कष्टकर जीवन विताइ रहेका सुकुम्बासीको बस्ती उठाउने काममा लाग्नु कानूनको धज्जिया उढाइएको विज्ञप्तिमा उल्लेख गरेको छ ।

दमक नगरपालिकाले सुकुम्बासीहरु माथि श्रृंखलाबद्ध आक्रमण गर्दै दमन गरिरहेको प्रति हाम्रो संगठनले पटकपटक चेतावनीसँगै संघर्ष समेत गरिरहेको सर्वविदितै रहेको छ । यस्तो विषम परिस्थितिमा जिम्मेवार दमक नगरपालिकाको कदम आगामी दिनहरुमा नसच्चिएर थप संघर्षहरु सहित उत्रिने विज्ञप्तिमा उल्लेख गरेको छ ।

विज्ञप्तिः