दमक/प्रधानमन्त्री केपी शर्मा ओलीले दमकमा निर्माणाधिन दमक अस्पताललाई अत्याधुनिक अस्पताल बन्ने बताएका छन् ।
आज दमक बहुमुखी क्याम्पसमा बन्ने ८ करोड लागतको पक्की भवनको जुम भर्चुअल माध्यमबाट शिलान्यासका क्रममा सम्बोधन गर्दै प्रधानमन्त्री ओलीले दमक अस्पतालमा आइसियुसहितको सेवा प्रदान गर्ने गरी अक्सिजन प्लान्टको समेत स्थापना गरिने बताएका हुन ।

भर्चुअल माध्यमबाट गरिएको शिलान्यासमा प्रधानमन्त्री ओलीले कोरोना विरुद्ध लडन हरेक व्यक्तिले सावधानी अपनाउनु पर्ने पनि उल्लेख गरे । उनले भने– हामी खोप ल्याउँछौं र सबै नागरिकलाई खोप लगाउँछौं । कोरोना समस्या नेपालको मात्र नभएर विश्वभरीको समस्या भएको हुँदा सबैलाई आक्रन्त बनाएपनि हामी सबैको साझा सत्रु भएको हुँदा हामी डटेर लागीपरेका छौं अत्यावश्यक अक्सिजन, आइसियू र भेन्टिलेटरको व्यवस्था थप गरेसँगै हाल संक्रमण नियन्त्रण गर्दै मृत्युदर घट्दै गईरहेको प्रधानमन्त्रीले बताएका छन् ।

८ करोड रुपैंयाको लगानीमा दमक बहुमुखी क्याम्पसमा २४ वटा कोठाका चारवटा ब्लक निर्माणका लागि शिलान्यास गरिएको हो । भूकम्प प्रतिरोधात्मक सो भवनको काम समयमै सम्पन्न गर्न सम्बन्धित निर्माण कम्पनीलाई प्रधानमन्त्रीले विशेष आग्रह समेत गरेका छन् ।

प्रधानमन्त्रीद्वारा शिलान्यस कार्यक्रमलाइ सम्बाेधनः