१५ जेठ, दमक/ झापाको दमकमा कोरोना संक्रमणबाट मृत्यु हुनेको संख्या १७ पुगेको छ । आज विहान दमक ५ का ७५ बर्षिये कोरोना संक्रमित एक पुरुषको मृत्युसँगै दमकमा कोरोनाले मर्नेको संख्या १७ पुगेको हो ।

दमक २ स्थित कोभिड उपचार केन्द्रमा उपचारका क्रममा पुरुषको मृत्यु भएको नगरपालिका स्वास्थ्य शाखाका कुवेर भट्टराईले जनाएका छन् । ति पुरुषको गत जेठ ५ गते गरेको परिक्षणमा कोरोना रिपोर्ट पोजिटिभ आएको थियो ।

पोजिटिभ रिपोर्ट आएको ५ दिन सम्म ओम आइसोलेसनमा बसेका उनको स्वास्थ्यमा थप समस्या आएपछि १० जेठमा उनलाई उपचारका लागि दमक अस्पताल अन्तर्गतको कोभिड उपचार केन्द्रमा भर्ना गरिदएको थियो । हालसम्म चैत्र २५ यता दमकमा नयाँ भेरियन्टका संक्रमित संख्या ६२८ पुगेको छ ।