दमक। सत्तालिप्सामा चुर्लम्म डुबेको वर्तमान असंवैधानिक सरकारको सांस्कृतिक अतिक्रमण बिरुद्ध फरक आयम उभिएको छ । कोरोना महामारीको संकटसँग जुँधिरहेको नेपाली जनतामाथि सत्ताको खोल ओडेर सांस्कृतिक धरोहरमाथि आक्रमण गर्ने कामचलाउ सरकारको नीति प्रति आयमले चेतावनी दिएको छ ।

जेठ १५ गते सरकारले ल्याएको बजेटमा संस्कृति शिर्षक अन्तर्गत सुकेटार विमान स्थलको नाम रविन्द्र अधिकारी र चुहानडाँडा विमान स्थलको नाम आङ छिरिङ शेर्पा नामाकरण गर्ने भनी मनोमानी रुपमा रुपान्तरण गर्नुभनेको राजतन्त्रको आभाष दिलाउनु भन्दै राज्यसत्ताको एकल नश्लीय चिन्तन प्रति घोर भत्र्सना गर्दछ ।– विहीबार जारी विज्ञप्तिमा उल्लेख गरिएको छ ।

यसरीनै जलयातायात योजना अन्तर्गत बुँदा नं. ३०४ मा कोशी चतरा देखि भोजपुरसम्मको अवरोध हटाउने भनी घुमाउरो भाषामा किरातीहरुको सांस्कृतिक पहिचान खुवालुङ् फुटाउने सरकारको षडयन्त्रको समेत बिरोध गरेको छ । सांस्कृतिक पहिचानको संरक्षण गर्नुपर्ने सरकार स्वयम् ति सम्पदाहरुलाई नास गर्न लागेकोमा आयमले आपत्ती जनाएको छ ।

राज्यसत्ताले पटक पटक पछिपारिएका आदिवासी जनजाति लगायत जातिहरुको सम्पदाहरुमाथि अतिक्रमण गर्ने सुनियोजित योजना भएको ठहर गर्दै अझै पनि एकल नश्लीय सरकारको राणाकालीन र राजतन्त्रकालीन हिङ्ग अझै नगएको भन्दै राज्यको विभेदकारी नीति प्रति सम्पूर्ण साहित्यकार, नागरिक समाज, राजनीतिकर्मी, विद्यार्थी, बुद्धिजिवी, पत्रकार एवं आम जनताहरुमा एकल नश्लीय, दलाल पुँजीवादी, निरंशुक चिन्तन विरुद्ध एकजुट भएर उभिन्न विज्ञप्ति मार्फत आव्हान गरेको छ ।

विज्ञप्ति