जसपा कार्यकारिणी बैठकमा ८ नेतालाई प्रवेश निषेध

,   लिम्बुवान न्युज
                       

काठमाडौं । जनता समाजवादी पार्टी (जसपा) नेपालले केन्द्रीय कार्यकारिणी समिति बैठकमा पार्टीबाट निष्कासित ८ नेतालाई सहभागी नगराउने भएको छ । निष्कासित नेताहरुलाई पार्टी बैठकमा प्रदेश नदिने तय भएको हो ।

पार्टीले निष्कासन गरिसकेका चार नेताहरु महन्थ ठाकुर, राजेन्द्र महतो, सर्वेन्द्रनाथ शुक्ल र लक्ष्मणलाल कर्णसहित वर्तमान कामचलाउ केपी ओली नेतृत्वको सरकारमा सहभागी नेताहरु शरतसिंह भण्डारी, अनिकुमार झा, राजकिशोर यादव र चन्दा चौधरीलाई कार्यकारिणी समितिको बैठकमा सहभागी नगराइने पार्टी स्रोतले जनाएको छ ।

जसपाले यसअघि नै ओली सरकारमा सहभागी हुने पार्टीका जोसुकै नेतालाई तत्काल निष्कासन गर्ने निर्णय गरेको थियो । पार्टी निर्णय अनुसार नै आठ जना नेताहरुलाई बैठकमा नबोलाइएको कार्यकारिणी समितिका सदस्य मोहम्मद इस्तियाक राईले प्रष्ट पारे ।

कार्यकारिणी बैठकबाट वर्तमान राजनीतिक परिस्थितिको सन्दर्भमा विचार विमर्श गरी महत्त्वपूर्ण निर्णय लिइने बताइएको छ ।

यस्तैगरी ठाकुर पक्षले भने बुधबार विज्ञप्ति जारी गरेर जसपाको बैठक नरहेको भनी मिडियामा प्रचारबाजी गरेका थिए ।

जसपा अध्यक्ष उपेन्द्र यादवले भने पार्टीबाट निष्कासित ठाकुरलाई कार्यकारिणी समितिको बैठक छैन भन्ने अधिकार नरहेको बताएका छन् । पार्टीमा नरहेका व्यक्तिहरुले बाहिर के गर्छन् भन्ने कुराले कुनै प्रभाव नपर्ने यादवको भनाइ छ ।

जसपाका ५१ सदस्यीय कार्यकारिणी समिति सदस्यमध्ये ४३ जनालाई बैठकको बारेमा जानकारी पठाइएको पार्टी केन्द्रीय कार्यालय प्रमुख प्रकाश अधिकारीले बताए ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;