दमक/ कमल गाउँपालिका ५ साविक लखनपुर मंगलबारेमा जन्मिएर हालेर बेलायत (युके) बस्दै आएकी एक चेली आफनो नाम तथा पहिचान गोप्य राखेर स्थानीय क्लब मार्फत सो ठाउँका विपन्नहरुलाई खाद्यान्न राहत प्रदान गरेकी छिन् । मंगलबारे वजारस्थित सगुन युवा क्लवमार्फत निषेधाज्ञाका कारण दैनिक गुजारा गर्न समस्या भएका २५ परिवारलाई उनले खाद्यान्न राहत प्रदान गरेकी हुन् ।

क्लवले असहाय, एकल तथा अति विपन्न परिवारलाई छनौट गरि दैनिक उपभोग्य चामल, तेल, नुन, सोयाविन लगायतका खाद्यान्न राहत सामाग्री प्रदान गरेको सचिव रोशन दाहालले बताए ।

करिब ३२ हजार ३४० रुपैयाँ प्राप्त रकम बरावरको राहत सामाग्री वितरण गरिएको क्लवले जनाएको छ । उनका अनुसार राहत प्राप्त गर्नेहरुमा लिला ताजपुरिया, देव ताजपुरिया, फुदो ताजपुरिया, चित्रा दर्जी, ईन्दिरा दर्जी, नैनाकला दर्जी, रामवति राजबंशी, तालामुई मूर्मु, लला कुमारी नेपाली, बुडो चौधरी, मंगली योङ्याङ्, गाठिलालनी ताजपुरिया, बाङ्गरू राजबंशी, राजु राजबंशी, वीर बहादुर तामाङ, मिना भुजेल, धारू राजबंशी, बिनोद राजबंशी, दुर्गा पौडेल ,प्रमिला ताजपुरिया , रिता मुर्मु लगायतको घर घर पुगेर त्यस्तो राहत वितरण गरिएको छ ।

राहत वितरणमा क्लबका अध्यक्ष देवी आङदेम्बे लगायतका पदाधिकारी सदस्यहरुको उपस्थिति रहेको थियो ।