लिम्बुवानखबर। संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपालको प्रवास संगठन संघीय लिम्बुवान सामाजिक मञ्च प्रवास समिति बहराइनका अध्यक्ष मन कुमार इजमको निधन भएको छ ।

संघीय लोकतान्त्रिक राष्ट्रिय मञ्चका संघीय अध्यक्ष कुमार लिङ्देन मिराकले सामाजिक संजालबाट अध्यक्ष इजमको कोरोना भाईरसबाट कर्मथलो बहराइनमा उपचारको क्रममा निधन भएको पुष्टि गरेका छन् ।

ताप्लेजुङ् सिम्बेवामा जन्मिएका इजम लगायत परिवार हाल झापाको मेचीनगर चारआलीमा स्थायी बसोबास गर्दै आएका थिए । उनी लामो समय देखि रोजगारीको शिलशिलामा बहराइनमा कर्मथलो बनाई बसेका थिए ।

पहिचान, संघीयता, धर्मनिरपेक्षतासँगै संघीय लोकतान्त्रिक गणतन्त्र नेपाल अन्तर्गत लिम्बुवान सहितको १०+१ प्रान्त निर्माणको आन्दोलनमा शसक्त आवाज उठाउने गरेका लिम्बुको मञ्चमा आर्थिक भौतिक सहयोग समेत उल्लेनिय भएको मञ्च स्रोतले जनाएको छ । प्रवासमा रहेरपनि लिम्बुवानको मुद्दालाई उठाई राख्नुहुने अन्त्यन्तै समाजसेवी अध्यक्ष इजजको मृत्युले मञ्चलाई अपुरणीय क्षति पुगेको मञ्चका प्रान्तीय महासचिव अशोक चेम्जोङ्ले बताए ।