जसपा फूटको संघारमा

,   लिम्बुवान न्युज
                       

काठमाडौं , २२ असार।  निर्वाचन आयोगले जनता समाजवादी पार्टी (जसपा)लाई आज (मंगलबार) बोलाएको छलफलमा महन्थ ठाकुर र उपेन्द्र यादव पक्षबीचको सहमतिको सम्भावना ठुङ्गिएको छ । जसपामा अबसँगै बस्ने अवस्था नरहेको ठाकुर पक्षले संकेत दिएको हुँदा पार्टी फूटको संघारमा उभिएको हो ।

निर्वाचन आयोगमा मंगलबार भएको छलफलमा ठकुर पक्षले जसपाबाट अलग हुने धारणा राखेका थिए । ठाकुरलागयत उनी पक्षका नेताहरुले एकै पार्टीमा रहन नसकिने भन्दै आ–आफ्नो बाटो लाग्न उपयुक्त हुने बताएपछि पार्टी फूटको संघारमा पुगेको छ ।

जसपाबाट निष्कासित ठाकुर समूहले जसपामा आफूहरुको दावी रहने भन्दै जिकिर गरेपछि आयोगले उनीहरुलाई दल दर्तासम्बन्धी ऐनअनुसार दावी लिएर आउन अनुरोध गरेको छ । यद्यपी आयोगले एकताको लागि सहमत नभएपछि दुवै पक्षलाई आधिकारिताका लागि दावी पेश गर्न भनेको छ ।

आयोगद्वारा दुवै पक्षलाई राखेर सहमतिका लागि गराएको छलफलमा यादव र ठाकुर पक्ष बिच सहमति हुन सकेन । आयोगले जसपा विवाद समाधानका लागि बुधबार इजलास गठन गर्ने निर्णय गरेको छ । दुबै पक्षले दल दर्तासम्बन्धी ऐन बमोजिम दावी पेश गर्ने सहमति भएको आयोग स्रोतले जनाएको छ ।

बैठकमा जसपा अध्यक्ष उपेन्द्र यादवसहित महेन्द्र राय, राजेन्द्र श्रेष्ठ, प्रकाश अधिकारी, मोहम्मद इस्तियाक राई र मृगेन्द्र सिंह लगायतका नेताहरू सहभागी थिए भने ठाकुर पक्षबाट ठाकुरसहित राजेन्द्र महतो, शरदसिंह भण्डारी, अनिल झा, लक्ष्मणलाल कर्ण र सुरेन्द्र झा लगायत सहभागी थिए ।

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;