दमक,२४ असार। झापाको भद्रपुर ८ स्थित भद्रपुर बिर्तामोड पक्की सडक खण्डमा ट्रकमा मोटरसाइकल ठोक्किदा एक जनाको ज्यान गएको छ ।

उत्तरबाट दक्षिण तर्फ जाँदै गरेको मे २ प २५३२ न. को मोटरसाइकल आफैं अनियन्त्रित भई सोही दिशामा रोकि राखेको ना ३ ख ८५४२ नम्बरको ट्रकमा ठोक्किदा मोटरसाइलक चालक सोही ठाउका ५० बर्षिय ताराकान्त झाको मृत्यु भएको हो ।

दुर्घटनामा परि गम्भिर घाईते भएका उनको उपचारका क्रममा आज बिहान पौने ३ बजे विराटनगरमा मृत्यु भएको ट्राफिक प्रहरीले जनाएको छ । दुर्घटनामा बुद्धशान्तीका ३५ बर्षिय कमल ढुङ्गेल समेत सामान्य घाईते भएका छन । उनको ओम साइ पाथिभरा अस्पताल भद्रपुरमा उपचार भइरहेको प्रहरीले जनाएको छ ।