फाइल तस्वीरः

काठमाडौं। निवर्तमान प्रधानमन्त्री एवं नेकपा एमालेका अध्यक्ष केपी शर्मा ओलीले सरकारी निवास बालुवाटार छाड्ने भएका छन् । आज (बुधबार) युथफोर्सको स्कर्टिङ्गबाट बालुवाटारदेखि बालकोट पुग्ने तय भएको हो ।

बिहान ११ बजे ओलीले सरकारी निवास छाड्ने भएका हुन् । प्रधानमन्त्रीमा नेपाली कांग्रेसका सभापति शेरबहादुर देउवा मंगलबार नियुक्त भएपछि सरकारी निवास छोड्न लागेका हुन् ।

सपथग्रहण र पदभार ग्रहण गरेपछि नवन्युक्त प्रधानमन्त्री देउवा निजी निवास बूढानिलकण्ठ गएका थिए । उनी अब केही दिनमा सरकारी निवास बालुवाटार सर्ने स्रोतको भनाईरहेको छ ।

मंगलबार क्षितिज थेवेको नेतृत्वमा व्यूतिएको यूथ फोर्सले ओलीलाई बालुवाटारदेखि बालकोटसम्म स्कर्टिङ गरेर पु¥याउने तयारी गरेको छ । एमालेका युवा संघ ईञ्चार्ज महेश बस्नेतका अनुसार अध्यक्ष ओलीलाई दुई हजार गाडी र तीन हजार मोटरसाइकलले बालकोट पु¥याउने कार्यक्रम रहेको बताएका छन् । बालकोट जाने क्रममा कौशलटारदेखि जनताले ओलीलाई स्वागत गर्ने कार्यक्रम पनि रहेको उनको भनाइ छ ।

सोमबार सर्वोच्च अदालतले देउवालाई प्रधानमन्त्री बनाउन परमादेश दिएपछि देउवा संविधानको धारा ७६ को ५ अनुसार प्रधानमन्त्रीमा मंगलबार नियुक्त भएका थिए ।