दमक, ९ साउन । झापाको दमक १ निवासी नेपाली कांग्रेसका महाधिबेशन प्रतिनिधि तथा सामाजिक व्यक्तित्व घनेन्द्र राज योङयालाई पितृशोक परेको छ । आज (शनिबार) दिउँसो योङ्याका ८६ बर्षिय बुवा कृष्ण प्रसाद योङयाको दमकस्थित एड्भान्स अस्पतालमा उपचारको क्रममा निधन भएको हो ।

फोक्सोमा संक्रमण भएपछि उनलाई तीनदिन अघि देखि उपचार भईरहेको पारिवारिक स्रोतले जनाएको छ ।

स्वर्गीय योङया छोराहरु मध्ये घनेन्द्र र राजकुमार दमकमा चिनिएका व्यक्तित्व हुन् । घनेन्द्र दमक उद्योग वाणिज्य संघका पूर्व अध्यक्ष समेत हुन् । यस्तै दमकस्थित जनमुखी बहुमुखी सहकारी संस्थाका अध्यक्ष समेत रहेका योङया दमकमा चिनिएका व्यक्तित्व हुन् ।

यस्तै भाई राजकुमार राप्रपाको राजनीतिमा सक्रिय छन् भने हाल उनी पनि दमक उद्योग वाणिज्य संघका द्धितीय उपाध्यक्ष हुन् ।

यसैबीच मृतक योङयाको शव भोली साउन १० गते आईतबार बिहान १० बजे कोशी नदीस्थित चतराधाममा अन्तिम दांह संस्कार गरिने पारिवारिक स्रोतले जनाएको छ ।