दमक, १६ साउन । झापाको दमक ८ स्थित एक होटलमा तास खेलिरहेको अवस्थामा प्रहरीले छापा मारेर तास र नगद एक लाख ६० हजार रुपैयाँसहित ६ जनालाई पक्राउ गरेको छ । दमक ५ बस्ने बर्ष ३२ का पदम लिम्बुद्वारा संचालित होटल पेरुङ्गोबाट जुवाडेहरु पक्राउ परेका हुन् ।

होटल पेरुङगोमा जुवाजन्य खेल खेल्दै गरेको गोप्य सूचनाको आधारमा आज दिउँसो ४.४० वजे छापा मारेर होटल सञ्चालकसहित ६ जनालाई नियन्त्रणमा लिईएको जिल्ला प्रहरी कार्यालय झापाले जनाएको छ ।

पक्राउ पर्नेमा होटल सञ्चालक लिम्बू, दमक ५ का २९ बर्षिय कैलास लिम्बू, ३३ बर्षिय मोहन ढुंङगाना, दमक ६ का ३८ बर्षिय द्रोर्णचार्य कार्की, ५० बर्षिय प्रेम सुब्बा र ५० बर्षिय भिम सुब्बा रहेका जिल्ला प्रहरी कार्यालयका प्रवक्ता डिएसपी राकेश थापाले बताए ।

पक्राउ परेकाको साथबाट तीन बुङ तास र खालमा ओछ्याएको कपडा समेत वरामद गरी आवश्यक कानुनी कारबाहीका इलाका प्रहरी कार्यालय दमकमा राखिएको उनले बताए ।.