माङसेबुङ । इलामको माङसेबुङ गाउँपालिका ५ मा रहेको माङसेबुङ कृषि बहुउद्देशीय सहकारी संस्थाले मृत्यू भएका आफ्ना सेयर सदस्यका परिवारलाई जनही पाँच हजारका दरले आर्थिक सहयोग उपलब्ध गराएको छ ।

सहकारी संस्थाका अध्यक्ष राजेन्द्र विक्रम खजुमका साथै सञ्चालक समितिको पदाधिकारी तथा सदस्यहरुले मृतकको घरघरमा पुगेर परिवारलाई आर्थिक सहयोग रकम उपलब्ध गराएको हो ।

मृत्यू भएका सेयर सदस्य माङसेबुङ ५ का टेकबहादुर लावती, धनमाया साङपाङ राई, राजेन्द्र प्रसाद आङदेम्बे, सन्तकुमार केदेम र चित्रमाया लिङदमका परिवारलाई सो रकम प्रदान गरिएको सहकारीका व्यावस्थापक चनहाङ् सेर्माले बताए ।