काठमाडौं, २६ साउन। पछिल्लो २४ घण्टामा नेपालमा झण्डै ५ हजारमा कोरोना संक्रमण भएको छ । सोमबार नेपालमा थप ४ हजार ९०४ जनामा कोरोना पुष्टि भएको हो ।

स्वास्थ्य तथा जनसंख्या मन्त्रालयको तथाङ्क अनुसार पीसीआर परीक्षणबाट ३ हजार १९४ र एन्टिजेन विधिबाट गरिएको परीक्षणमा १ हजार ७१० जनामा कोरोना संक्रमण पुष्टि भएको हो । २४ घण्टाको अवधिमा कुल १३ हजार २१७ पीसीआर र ५ हजार ९०६ जनामा एन्टिजेन विधिमार्फत् परीक्षण गरिएको थियो ।

गत २४ घण्टाभित्र नेपालमा कोरोना भाइरसको संक्रमणबाट थप ३५ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार १५० पुगेको छ ।

त्यस्तै पछिल्लो २४ घण्टामा २ हजार ११५ जना संक्रमणमुक्त भएका छन् । योसँगै नेपालमा संक्रणमुक्त हुनेको संख्या ६ लाख ७३ हजार १९८ पुगेको स्वास्थ्य मन्त्रालयको तथ्याङ्कले जनाएको छ ।

आजसम्ममा देशभररुमा ३७ हजार ३३२ संक्रिय संक्रमित रहको मन्त्रालयले सार्वजनिक गरेको तथ्याङकमा छ ।