क्यलिफोर्निया । नेपाल आदिवासी जनजाति महासंघ अमेरीका (फिप्ना)ले २७ औँ ‘विश्व आदिवासी दिवस २०२१’ को अवसरमा फिप्ना भलिबल तथा फुटबल कप प्रतियोगिता सम्पन्न भएको छ । आयोजकका अनुसार न्यूयोर्कको क्वीन्स व्रिज पार्कमा अगष्ट ७ देखि ८ सम्म आयोजना भएको उक्त प्रतियोगिता हालसम्मकै सर्वाधिक ठूलो पुरस्कार राशीको हो ।

१४ टिम सहभागी भलिबल खेलको बिजेता नेपस्टार डालस टेक्सास भएको छ भने तमु गुरूङ सोसाइटी उपविजेता बनेको छ । यस्तै फुटबल तर्फ १८ टिम सहभागी भएका थियो । फुटबलको उपाधीभने न्यूयोर्क फुटबल क्लबले जितेको छ । त्यसैगरी याक फुटबल क्लबले उपविजेतामा चित्त बझुाएको थियो ।

विजेता भलिबल र फूटबल टिमले क्रमश प्रथम पुरस्कार नगद ५ हजार, कप, मेडल तथा प्रमाणपत्र पाएका छन् भने र उपविजेता टिमहरुले ३ हजार अमेरिकन डलर कप, मेडल तथा प्रमाणपत्र प्रदान गरिएको छ ।

फिप्ना फूटबल खेल संयोजक तथा व्यवस्थापन संयोजक सुमन थाम्सुहाङ तथा सहसंयोजकहरूमा वाङला लामा, कुमार शेरचन, अजित गुरूङ, सेहाङ नेम्बाङ र बुद्वी गुरूङ रहेका थिए ।

त्यस्तै गरी भलिबल खेलको संयोजक याम पुन र सह संयोजकहरूमा क्रमशः हरी राना, जित गुरूङ, मन प्रसाद रोक्का, पासांङ लामा, ईन्द्र थापा, सुजल छन्त्याल, दिप ब रानामगर र विकास घर्तीमगर रहेको सचिवालयले काम गरेको थियो ।

दुई दिनसम्म सन्चालन भएको फिप्ना कप २०२१ ले नेपाली अमेरीकन समुदायमा युवा तथा खेलकुदको माध्यम मार्फत नेपाली अमेरीकन पहिचान स्थापित गराउने अभियान रहेको आयोजक नेपाल आदिवासी जनजाति महासंघ अमेरीकन अध्यक्ष लोक चेम्जोङ्ले बताएका छन् ।

फिप्ना कप २०२१ लाई न्यूयोर्क राज्य सभा सदस्यमा. जेनिफÞर राजकुमार, नेपाली महावाणिज्य दुतावासका का.व. महावाणिज्य दुत विष्णु प्रसाद गौतम, ब्रुक्लिङ बोरो प्रेसिडेण्ड एरिक एडम, एनआरएन अमेरीकका अध्यक्ष बुद्दी सुवेदी लगायत विभिन्न नेपाली अमेरीकन समुदायमा क्रियाशील संघ संस्थाका प्रमूख तथा प्रतिनिधिहरूले बधाई तथा शुभकामना व्यक्त गरेका छन् ।

प्रविधिक टोली, स्वयंसेवक र खेलाडीहरूको उत्साहजनक सहभागीता र सहयोगले फिप्ना कप २०२१ खेल महोत्सवको रूपमा सम्पन्न भएको फिप्नाका महासचिव नरेन्द्र थापाले बताए थिए ।