काठमाडौं, २९ साउन । आज एकैदिन ३,९१५ जनामा कोरोना भाइरस संक्रमण थपिएका छन् । पछिल्लो २४ घण्टामा स्वास्थ्य तथा जनसंख्या मन्त्रालयले जनाए अनुसार ११ हजार ७ सय ८ पीसीआर परीक्षण गर्दा २ हजार ७६३ जना र ६ हजार ८७४ एन्टिजेन परीक्षण गर्दा १ हजार १ सय ५२ गरी ३ हजार ९१५ जनामा कोरोना संक्रमण देखिएको हो ।

यस्तै पछिल्लो २४ घण्टामा हजार ११८ जना निको भएका छन् भने कोरोना संक्रमणबाट २७ जनाको मृत्यु भएको छ मन्त्रालयले जनाएको छ ।

आजसम्म नेपालमा कोरोना संक्रमितको कुल संख्या ७ लाख २८ हजार ५३२ पुगेको छ । यस्तै गरी नेपाल मृत्यु हुनेको संख्या १० हजार २३९ पुगेको छ भने ६ लाख ७९ हजार ४९५ जना संक्रमणमुक्त भएका छन् ।

मन्त्रालयको तथ्याङ्क हेर्दा देशभर सक्रिय संक्रमितको संख्या ३८ हजार ७९८ जना रहेका छन् । जसमध्ये ३५ हजार ५१८ जना होम आइसोलेसनमा रहेका छन् भने ३ हजार २८० जना संस्थागत आइसोलेसनका साथै अस्पतालमा उपचार गराईरहेका छन् ।

कोरोना संक्रमणले सिकिस्त भएका ७३६ जना आईसीयू र १८६ जना भेन्टिलेटरमा उपचाररत् भई रहेको स्वासथ्य मन्त्रालयको तथ्याङ्कले जनाएको छ ।

यस्तै पछिल्लो २४ घण्टामा स्वास्थ्य मन्त्रालयको तथ्याङ्क अनुसार १० वर्ष मुनिका ७३ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका २ सय १८ जना नयाँ कोरोना संक्रमित थपिएका छन् ।