बेलायत। संघीय लिम्बुवान सामाजिक मञ्च बेलायतको कोल्चेस्टर शाखा अध्यक्षमा डम्बर बहादुर चोङ्बाङ् निर्वाचित भएका छन् । शुक्रबार यूके कोल्चेस्टरमा भएको कार्यक्रममा चोङबाङ् सर्वसहमतिमा निर्वाचित भएका हुन् ।
सामाजिक मञ्चका अध्यक्ष टंक खापुङ्को प्रमुख आतिथ्यतामा भएको उक्त संगठन विस्तार कार्यक्रममा मञ्चका उपाध्यक्ष शर्मिला यक्सो, महासचिव राम इजम र थरक शाखाका अध्यक्ष कृष्ण कुमार कुरुम्बाङको उपस्थिति रहेको थियो ।
नवगठित समितिमा अध्यक्ष चोङबाङ सहित उपाध्यक्षमा निमेस नेम्बाङ, सचिवमा भिम लाओती, अर्थसचिवमा भिम कुरुम्भङ रहेका छन् भने सदस्यहरुमा कुमार हुक्पा चोङबाङ, मसाना लिम्बु र बिष्णु कुमारी लिम्बु रहेका छन् । त्यसैगरी सल्लाहकारमा मे.रि. चित्रराज हुक्पा चोङबाङ सर्वसहमतिमा निर्वाचित भएका छन् ।
निर्वाचित कार्य समितिलाई प्रमुख अतिथि अध्यक्ष खापुङले सफलग्रहण गराउँदै कार्यसफलताको शुभकामना व्यक्त गरेका थिए । यसैगरी अन्य अतिथिहरुले पनि नव निर्वाचित समितिलाई बधाई तथा शुभकामना दिएको महासचिव इजमले बताए ।
Related