विर्तामोड, ५ भदौं। झापाको बिर्तामोड ९ देवकोटा चौकबाट लागूऔषध ब्राउन सुगर सहित दुई जनालाई पक्राउ परेका छन् । विशेष सुराकीको आधारमा इलाका प्रहरी कार्यालय अनारमनीबाट खटिएका प्रहरी टोलीद्वारा उनीहरु पक्राउ परेका हुन् ।

पक्राउ पर्नेमा झापा बिर्तामोड ८ का २० बर्षीय गोपाल बिश्वकर्मा र ईलाम माई नगरपालिका ६ घर भई हाल बिर्तामोड ८ स्थितमा डिडिआर फार्मेसी संचालन गरी बस्ने २० बर्षीय भिष्म वुढाथोकी रहेका छन् ।

शुक्रबार बेलुका साढे ४ बजे बिशेष सुचनाको आधारमा उनिहरुलाई ब्राउन सुगर ५ ग्राम ५१० मिलिग्राम सहित प्रकाउ गरिएको ईलाका प्रहरी कार्यालय अनारमनीले जनाएको छ ।

पक्राउ परेका दुवैजनालाई हिरासतमा राखी उनीहरु उपर थप अनुसन्धान भईरहेको १ नम्बर प्रदेश प्रहरी कार्यालय बिराटनगरको आफ्नो सामाजिक संजाल फेसबुक पेजबाट जनाएको छ ।