झापा, ७ भदौं । झापाको कन्काई १ मा आठ महिने छोरीसहित एकै परिवारका तीनजना मृत फेला परेका छन् ।

मृत्यु हुनेमा ३४ बर्षीय रविन विक, उनकी श्रीमती २९ बर्षकी मुना र आठ महिने छोरी रुबिना झुण्डिएको अवस्थामा मृत फेला परेका हुन् । उनीहरु आज बिहान आफ्नै घरमा झुण्डिएको अवस्थामा फेला परेको जिल्ला प्रहरी कार्यालय झापाका एसपी सानुराम भट्टराईले बताए ।

प्रहरीका अनुसार उनीहरु घरको ढोका भित्रबाट चुकुल लगाएर झुण्डिएको अवस्थामा फेला परेका छन् । प्रहरी घटनास्थलमा पुगिसकेको छ भने मुचुल्का उठाई थप अनुसन्धान गरिने एसपी भट्टराईले जनाएका छन् ।

मृतकका आफन्तका अनुसार उनीहरुलाई कोरोना संक्रमित भएको तर ककसलाई भएको हो खुल्न नसकेको एसपी भट्टराईले बताए ।