लिम्बुवानखबर, ७ भदौं । नेपालमा पछिल्लो २४ घण्टामा कोरोना भाइरस संक्रमण दर घटदो क्रममाछ भने निको हुने दर बढदो क्रममा रहेको पाइएको छ । आज स्वास्थ्य मन्त्रालयले यस्तो तथ्याङक सार्वजनिक गरेको गरेको हो ।

स्वास्थ्य मन्त्रालयका अनुसार ८७०४ पीसीआर परीक्षण गर्दा १५४८ र २६२२ को एन्टीजेन परीक्षण गर्दा २५३ गरी १,८०१ जनामा कोरोना संक्रमण पुष्टि भएको हो । त्यसैगरी पछिल्लो २४ घण्टामा कोरोना संक्रमणबाट १ हजार ९२४ जना निको भएका छन् । मृत्यु हुनेको संख्या २४ जना भएको छ मन्त्रालयले जनाएको छ ।

सोमबार थपिएसँगै नेपालमा कोरोना संक्रमितको कुल संख्या ७ लाख ४८ हजार ९८१ पुगेको छ । योसँगै नेपाल मृत्यु हुनेको संख्या १० हजार ५३३ पुगेको छ भने ७ लाख ९७ जना संक्रमणमुक्त भएका छन् ।

मन्त्रालय रहेको तथ्याङ्क अनुसार हाल देशभर सक्रिय संक्रमितको संख्या ३८ हजार ३५१ जना रहेका छन् । जसमध्ये ३५ हजार १३२ जना होम आइसोलेसनमा रहेका छन् भने ३ हजार २१९ जना संस्थागत आइसोलेसनमा रहेका छन् । कोरोनाका बिरामीमध्ये ६७९ जना आईसीयू र १७६ जना भेन्टिलेटरमा उपचाररत् छन् ।

यस्तै १० वर्ष मुनिका ३१ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका १ सय २४ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार सबैभन्दा धेरै काठमाडौंमा ४४१ संक्रमित रहेको पुष्टि भएको छ । त्यसैगरी सबैभन्दा कम म्याग्दीमा १० जनाको कोरोना संक्रम देखिएको मन्त्रालयले जनाएको छ ।