लिम्बुवानखबर, १० भदौं। कोरोना भाइरस संक्रमणबाट पछिल्लो २४ घण्टामा देशभरबाट २४३३ जनामा संक्रमण पुष्टि भएको छ । पछिल्लो २४ घण्टामा १४ हजार ३७४ जनामा गरिएको परीक्षणबाट सो संख्यामा संक्रमण पुष्टि भएको हो ।
यसैगरी यो अवधिमा १९२९ जना कोरोना संक्रमणबाट मुक्त भएका छन् । त्यसैगरी पछिल्लो २४ घण्टामा २६ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
देशभर कोरोना संक्रमितको कुल संख्या पीसीआर विधिबाट ७ लाख ५४ हजार ९१५ र एन्टिजेन विधिबाट ८१ हजार ९६८ जना पुगेको छ । यस्तै हालसम्म संक्रमितमध्ये ७ लाख ५ हजार ८९३ जना निको भएका छन् ।
हालसम्म देशभर कोरोना संक्रमणबाट मृत्यु हुनेको संख्या १० हजार ६३८ जना पुगेको छ । पछिल्लो २४ घण्टामा देशभरमा ३८ हजार ३८४ जना सक्रिय संक्रमित रहेका छन् ।
Related