भाद्र ११,धरान/संघीय लोकतान्त्रिक राष्ट्रिय मञ्चमा पूर्व महासचिव खगेन्द्र माखिम मातृशोकमा परेका छन् । बिहीबार ७१ बर्षीय आमा गणेशमाया माखिमको उपचारको क्रममा बिराटनगरमा निधन भएको हो ।
उनी विगत केही बर्ष देखि मृगौला रोगबाट ग्रसित भएकी थिइन् । छोरी लक्ष्मी माखिम रोजगारीको क्रममा अमेरिकामा बस्दै आउनुभएकी हुँदा उनको पार्थिव शरीरलाई दुई दिन धरानस्थित विपि कोइराला स्वास्थ्य विज्ञान प्रतिष्ठान धरानको शव गृहमा राखिएको थियो । शुक्रबार धरानबाट पार्थिव शरीरलाई पुर्खौली घर पाँचथर मिक्लाजुङ ७ लुमाङदिन पु¥याईएको स्थानीय रुविन्द्र माखिमले बताएका छन् ।
माखिमको पार्थिव शरीरलाई किरात धार्मिक परम्परा अनुसार आज अन्त्येष्टि गरिने संघीय लिम्बुवान मञ्च, नेपालका जिल्ला नेता समेत रहेका माखिमले बताए ।
मञ्चमा लामो समय महासचिव पदमा रहेर पहिचान पक्षधरको राजनीतिमा आफ्नो कुशल नेतृत्वको छवि बनाएका माखिम र मञ्चका अध्यक्ष कुमार लिङदेन मिराक बिच लामो राजनीति सहयात्रा गर्दै २०७३ बाट पार्टी अलग भएका हुन् । माखिम हाल जनता समाजवादी पार्टीको केन्द्रीय सदस्य एवम् लिम्बुवान राष्ट्रिय समितिका अध्यक्ष समेत हुन् ।
अध्यक्ष लिङदेनले नेता माखिम र मेरो सम्बन्ध भनेको राजनीति मात्र नभएर पारिवारिक सम्बन्ध पनि नजिकको रहेको बताए । अध्यक्ष लिङदेनले सामाजिक संजालमा आमाको निधन प्रति शोकप्रकट गरेका छन् ।
यसैबिच शुक्रबार धरानस्थित प्रतिष्ठानको शव गृहमा जनता समाजवादी पार्टी केन्द्रिय कार्यकारिणी सदस्य तथा पुर्वमन्त्री रकम चेम्जोङले पार्टीको झण्डा ओढाई श्रद्धाञ्जलि दिएका थिए । शद्धाञ्जलिमा कार्यकारिणी नेता परशुराम बस्नेत, प्रदेश १ का अध्यक्ष प्रविण चाम्लिङ, जसपा लिम्बुवान राष्ट्रिय समितिका सदस्यहरु, प्रदेश पदाधिकारी सदस्यहरु, महिला संघ, समाजवादी युवा विद्यार्थी लगायतले श्रद्धाञ्जली दिएका थिए । सो अवसरमा एक मिनेट मौन धारण गरि खादा फुलमाला लगाई सबैले श्रद्धाञ्जली दिएका हुन् ।
मृतक माखिमका श्रीमान गजेन्द्र माखिम, छोराहरु भक्त माखिम, खगेन्द्र माखिम र नेल्कन माखिम छ्न् त्यसैगरी एक छोरी लक्ष्मी माखिम रहेका छन् ।
ललितपुर । ताप्लेजुङको मुक्कुमलुङ निर्माणाधिन केवलकार निर्माण परियोजना खारेजीको माग गर्दै जिल्ला प्रशासन कार्यालय ताप्लेजुङमा ज्ञापनपत्र बुझाइएको छ । मुक्कुमलुङ ताङसेप चुम्भोको अगुवाईमा परियोजना खारेजको माग गर्दै जिल्ला प्रशासन मार्फत प्रधानमन्त्रीलाई ज्ञापनपत्र पठाइएको हो ।...
ललितपुर । दक्षिण कोरियामा क्रियाशील संस्था किरात याक्थुङ चुम्लुङ दक्षिण कोरियाले आफ्नो २५औँ वार्षिकोत्सव तथा रजत जयन्ती समापन समारोह भव्य तथा विशेष रूपमा आयोजना गर्ने भएको छ । संस्थाका अनुसार उक्त महत्वपूर्ण कार्यक्रम आगामी १०...
काठमाडौं, १२ वैशाख । सरकारले काठमाडौं उपत्यकाका विभिन्न स्थान अतिक्रमण गरि बसोबास गरेका सुकुम्बासी बस्तीहरु आजबाट खाली गर्न शुरु गरेको छमना । बाग्मती नदी लगायत खोला किनार, जोखिमपूर्ण सार्वजनिक र सरकारी जग्गामा अतिक्रमण गरि बनाइएका...
बसन्तराज सुब्बा, केर्खाबजार, झापा । “युवाको प्रतिवद्धता, लागु औषध दुव्र्यसनी मुक्त कमल गाउँपालिका” भन्ने नाराक साथ कमल युथ फाउन्डेशनको आयोजनामा मिनी म्याराथन प्रतियोगिता सम्पन्न भएको छ । झापाको कलमस्थित केर्खाजारमा नयाँ बर्षको अवसरमा वैशाख १...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७