कमल १ बाँसबारीमा लिम्बुवान मञ्चका नेताहरू कार्यक्रम सकिएपछि सामूहिक तस्वीर खिचाउँदै
दमक, १२ भदौं । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल झापा जिल्ला अन्तर्गत विभिन्न पालिकाहरुले अन्तरक्रिया कार्यक्रम गरेको छ । आज शनिबार झापाको ४ वटा पालिकाहरु मेचीनगर, बुद्धशान्ति, शिवसताक्षी र कमल गाउँपालिकामा एकै दिन कार्यक्रम आयोजना भएको हो ।
झापाको १५ वटै पालिकाहरुमा आगामी कार्तिक पहिलो हप्तासम्ममा सबै पालिका र वार्डहरुमा अधिवेशन गर्ने गरि कार्यक्रमलाई तिब्रता दिन पालिका स्तरीय अन्तरक्रिया तथा क्रियासिल वितरणसम्बन्धमा प्रशिक्षण लगायतका कार्यक्रम शुरु गरेको जिल्ला अध्यक्ष धन बहादुर पन्धाकले बताएका छन् ।
संघीय लिम्बुवान मञ्च, नेपाल कमल गाउँपालिका वडा नं. १ कोे योजना बाँसबारीमा प्रशिक्षण तथा अन्तरक्रिया कार्यक्रम मञ्चका केन्द्रीय उपाध्यक्ष ज्ञानुहाङ्को प्रमुख आतिथ्यतामा भएको छ । शनिबार आयोजित कार्यक्रममा मञ्चका उपमहासचिव भानु भट्टराई, प्रान्तीय सदस्यहरु बलनाथ नाल्बो, प्रकाश नेम्बाङ, साजन मोते, सुर्य योक्पाङ्देन, मन प्रसाद थलङ्, जिल्ला अध्यक्ष धनबहादुर पन्धाक, सचिव राज आङ्थुपो लगायत नेताहरुको उपस्थिति रहेको थियो ।
कार्यक्रम कलम १ का वडाध्यक्ष लाहानसिं केरुङकाे सभाध्यक्षता रहेको थियो । त्यसैगरी स्वागत मन्तव्य नगरअध्यक्ष अमर मावोहाङ्ले गरेका थिए भने संचालन नगरसचिव सचिव विजेन्द्र मेन्याङ्बो लिम्बुले गरेका थिए ।
आज मेचीनगरमा मञ्चका केन्द्रीय उपाध्यक्ष नन्द कुमार विष्ट क्षेत्री, उपमहासचिव दिल कुमार लावती, सचिवालय सदस्य मिन चम्लागाई, प्रान्तीय सदस्य नन्दु भाई मेन्याङ्बो त्यसैगरी झापा जिल्ला उपाध्यक्ष अमित खम्बु लगायतको उपस्थितिमा प्रशिक्षण तथा क्रियासिल वितरण लगायत विषयमा अन्तरक्रिया कार्यक्रम भएको छ । कार्यक्रममा मेचीनगर खानेपानी संस्थामा सम्मानजनक मत ल्याउन सबै उम्मेद्वारहरुलाई धन्यवाद दिइएको थियो ।
त्यसैगरी बुद्धशान्ति गाउँपालिका ४ मा भेटघाट तथा सम्मान कार्यक्रम भएको छ । कार्यक्रममा ४ जना व्यक्तित्वहरुलाई सम्मान गरिएको प्रान्तीय सदस्य काजीमान ओख्राबोले बताए । उक्त भेटघाट कार्यक्रममा मञ्च प्रान्तीय सचिव मान बहादुर सावाँ लगायत अन्य नेताहरुको उपस्थिति रहेको थियो ।
यसैगरी आज लिम्बुवानको शिवसताक्षी नगर समितिमा पनि क्रियासिल वितरणबारे अन्तरक्रिया कार्यक्रम भएको नगर अध्यक्ष प्रकाश लिङ्देन बताए ।
आज शिवसताक्षी नगरकार्यालयमा आयोजित उक्त कार्यक्रममा केन्द्रीय नेताहरु उपाध्यक्ष ज्ञानुहाङ इम्बुङ, महासचिव शान्ता योङहाङ, सचिवालय सदस्य भिम सुनुवार, प्रान्तीय सदस्यहरु किरण लिङ्देन, दिल सेरेङ, जस कुमार तामाङ्, कमल पौडेल, रामप्रसाद थपलिया, लिम्बुवान भोलेन्टियर्स सिनियर कमाण्डर सुमन सम्बाहाम्फे, उपकमाण्डर बादल राई लगायत जिल्ला र नगरका नेताहरुको उपस्थिति रहेको थियो ।
पूर्वी नेपालको ताप्लेजुङ जिल्ला स्थित मुक्कुमलुङ क्षेत्र, जसलाई किरात मुन्धुमी परम्परामा अत्यन्त पवित्र स्थल मानिन्छ, अहिले केवलकार निर्माणको नाममा बन फडानीको चपेटामा परेको छ। यही विरुद्धमा, असार १ गते, हजारौँ नागरिकले सामूहिक वृक्षारोपण कार्यक्रमको आयोजना...
दमक, २९ असार । प्रधानमन्त्री केपी शर्मा ओलीले झापाको दमकस्थित मदनडाँगी–ताराबारी–डिपु सडक स्तरोन्नति आयोजनाको उद्घाटन गरेका छन् । आइतबार (आज) एक कार्यक्रमका बीच प्रम ओलीले विश्व बैंकको सहयोग एंव नेपाल शहरी शासकीय तथा पूर्वाधार आयोजनाको...
दमक, २९ असार । झापाकोे दमकमा प्रधानमन्त्री केपी ओली आएको वेलामा राष्ट्रिय स्वतन्त्र पार्टीले हस्ताक्षर संकलन गरेको भन्दै प्रहरीले हस्तक्षेप गरेको छ । दमकस्थित क्याम्पस माेडमा हस्ताक्षर संकलन गरिरहेका रास्वपाका कार्यकर्तालाई प्रहरीले हस्तक्षेप गरेको हो...
ललितपुर, उपत्यका ब्यूराे । ललितपुरकाे महालक्ष्मी नगरपालिकास्थित किरात माङ्सेसे हाङ्साम माङहिम सञ्चालक समितिको चौथो अधिवेशन सम्पन्न भएकाे छ । शंखदेवी लुभुमा अवस्थित माङहिमकाे अध्यक्षमा ज्ञानेन्द्र कुरुम्बाङ निर्वाचित भएका छन् भने १३ सदस्यीय समिति निर्वाचित भएका...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७