लिम्बुवानखबर । नेकपा एमालेका १४ सांसदहरुले पार्टीको ह्वीप उल्लंघन गरेको आरोपमा निष्कासन गरी कारबाही गरेका पद कायमै रहने भएको छ । एमालेले उनीहरुलाई पदमुक्त गर्न संसद सचिवालयमा जानकारी गराएपनि सचिवालयले उनीहरु अर्कै दल दर्ता गरी आएको हुँदा कारवाही गर्नु पर्ने निर्णय गरेको हो ।

संसद सचिवालय स्रोतका अनुसार निर्वाचन आयोगमा छुट्ट दल दर्ता भई आएको हुँदा संसदहरुलाई कारबाही गर्नुपर्ने अवस्था नदेखिएको जनाएका छन् ।

तत्कालिन नेकपा एमाले सरकारका प्रधानमन्त्री केपी शर्मा ओलीलाई विश्वासको मत नदिई ह्वीप उल्लंघन गरेको भन्दै बरिष्ठ नेता माधवकुमार नेपालसहित १४ जना सांसदलाई कारबाही गरेर संसद सचिवालयमा भदौ १ गते एमालेले जानकारी गराएको थियो । सो पत्रको निर्णय गर्न सचिवालयले ढिलाई गर्दै आएको थियो ।

एमालेले बरिष्ठ नेता माधवकुमार नेपाल सहित मुकुन्द न्यौपाने, जीवनराम श्रेष्ठ, रामकुमारी झाँक्री, कल्याणी खड्का, लक्ष्मीकुमारी चौधरी, निरादेवी जैरु, पुष्पाकुमारी कर्ण, सरला यादव, कलिला खातुन, विरोध खतिवडा, कृष्णलाल महर्जन, भवानी खापुङ र मेटमणि चौधरीलाई ह्वीप उल्लंघनको आरोप लगाई संसदबाट कारबाही गरेको थियो ।

यसबीचमा निर्वाचन आयोगमा माधवकुमार नेपालको अध्यक्षतामा छुट्टै दल दर्ता गरी आयोगले दलको प्रमाणपत्र समेत दिई सकेको हुँदा ती सांसदहरु नयाँ दलमा रहेको हुँदा संसद सचिवालयले कारबाही गर्न नपर्ने जनाएको छ ।