लिम्बुवानखबर । आज कोरोना भाइरसबाट थप २२९५ जना संक्रमित भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ११ हजार ८९२ पीसीआर परीक्षणमा १९०२ जना र ४३४१ एन्टिजेन परीक्षणमा ३९३ जना गरी २२९५ जनामा संक्रमण पुष्टि भएको हो ।

आइतबार कोरोना भाइरस संक्रमणमुक्त हुनेको संख्या १८०८ रहेको छ भने २४ घण्टामा देशभरीबाट १६ को मृत्यु भएको मन्त्रालयले जनाएको छ ।

मन्त्रालयको तथ्याङ्क अनुसार नेपालमा कोरोना संक्रमितको कुल संख्या ७ लाख ६१ हजार १२४ पुगेको छ । योसँगै नेपालमा मृत्यु हुनेको संख्या १० हजार ७३० पुगेको छ त्यसैगरी ७ लाख १४ हजार ५२० जना कोरोणा संक्रमणबाट मुक्त भएका छन् ।

मन्त्रालयका अनुसार हाल देशभर सक्रिय संक्रमितको संख्या ३५ हजार ८७४ जना रहेका छन् । यसमध्ये ३३ हजार ३३३ जना होम आइसोलेसनमा बसेका छन् । संस्थागत आइसोलेनमा बस्नेको संख्या २ हजार ५४१ जना रहेको छ । यस्तै कोरोनाका बिरामीमध्ये ५६८ जना आईसीयू र १६० जना भेन्टिलेटरमा उपचाररत् रहेका छन् ।

यस्तै मन्त्रालयका अनुसार पछिल्लो २४ घण्टामा १० वर्ष मुनिका ३९ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका १ सय ५६ जना कोरोना संक्रमित थपिएका छन् ।