उर्लाबारी । उर्लाबारी उद्योग वाणिज्य संघको निर्वाचनका लागि नेपाली कांग्रेस नेतृत्वको लोकतान्त्रिक गठबन्धनले उम्मेद्वारी घोषणा गरेको छ । बुधबार उर्लाबारीस्थित सगरमाथा सहकारी संस्थाको सभाहलमा आयोजित कार्यक्रममा अध्यक्ष पदका प्रत्यासी तारामान सिरेङ लिम्बू नेतृत्वको लोकतान्त्रिक प्यानल घोषणा गरिएको हो ।
नेपाली कांग्रेस, जनता समाजवादी पार्टी र संघीय लिम्बुवान मञ्च, नेपाल सहितको प्यानलबाट बरिष्ठ उपाध्यक्षमा दिलबहादुर श्रेष्ठ (दिलु), उद्योग उपाध्यक्षमा वाङ्गाई धिमाल, वाणिज्य उपाध्यक्षमा निर्मला चौहान (निरु), महासचिवमा हेमराज गुरुङ्, उद्योग सचिवमा पूर्ण सिंगक लिम्बु, वाणिज्य सचिवमा भेषबन्दु निरौला र कोषाध्यक्षमा कृष्णराज गिरी उम्मेद्वार बनेका छन् ।
यस्तैगरी कार्य समिति सदस्यहरुमा नविन श्रेष्ठ, भिम घिमीरे, वेचन यादव, योवाहाङ तुम्बाहाम्फे र राजकुमार श्रेष्ठ तथा लेखा समिति संयोजकमा गणेश खत्री, सदस्यहरुमा रोशन घिमीरे र विकास राईलाई लोकतान्त्रिक प्यानलले उम्मेद्वार बनाएका छन् ।
उम्मेद्वारी घोषणा कार्यक्रममा उर्लाबारी नगरप्रमुख खड्ग फागोले लोकतान्त्रिक प्यानलबाट ब्यापरीको हकहितका लागि अहोरात्र खट्ने उम्मेदवार चयन गरिएको बताए । विश्वासले गठबन्धन गरिएको हुँदा सबै उम्मेद्वारलाई जिताउन गठबन्धन दल र सबै उद्यमी, उद्योगी, व्यवसायीहरुमा अनुरोध गर्दै विश्वासघात नगर्न अनुरोध गरेका छन् ।
कार्यक्रममा उर्लाबारी उद्योग वाणिज्य संघका अध्यक्ष प्रितम खड्गी, दमक उद्योग उद्योग वाणिज्य संघका अध्यक्ष गोकुल श्रेष्ठ, नेपाली कांग्रेस उर्लाबारी सभापति वीरबल थापा, जसपा नगर अध्यक्ष मात्रिका धिमाल, संघीय लिम्बुवान मञ्च, नेपाल जिल्ला सचिव बरुण लाबुङ्, संघका पूर्व अध्यक्ष केशव कार्कीले शुभकामना मन्तव्य राखेका थिए ।
उम्मेद्वारी घोषणा तयारी समितिका संयोजक तेजकुमार रिजालको सभापतित्वमा भएको कार्यक्रममा अध्यक्ष पदका प्रत्यासी तारामान सिरेङ लिम्बूले प्रतिबद्धता मन्तव्य राखेका थिए । कार्यक्रममा लिम्बुवान मञ्चकी नगर सचिव अञ्जु लिङदेनको स्वागत मन्तव्य र जसपाका दिपक न्यौपानेको संचालन रहेको थियो ।
दमक, ७ भदाैं । ताप्लेजुङस्थित मुक्कुम्लुङ साहित्य प्रतिष्ठान पुनर्गठन भएको छ । शनिबार संस्थाको प्रथम साधारण सभाले मनिष हेल्लोको अध्यक्षतामा १४ सदसीय कार्यसमिति निर्विरोध चयन गरेको हो । कार्यक्रमबाट प्रतिष्ठानको उपाध्यक्षहरूमा सीता पिरती , मणि सेम्बु...
दमक, ६ भदौं । झापा जिल्ला अन्तरर्गत किरात याक्थुङ चुम्लुङ अर्जुनधारा नगर तदर्थ समिति गठन भएको छ । शनिबार राजेश जवेगुको अध्यक्षतामा अर्जुनधारा नगर तदर्थ समिति गठन गरिएको हो । तदर्थ समितिको उपाध्यक्षमा पूर्णबहादुर लिङदेन,...
दमक। इलाम जिल्लाको चुलाचुली गाउँपालिकाले स्थानीय तहबाटै भूमि प्रशासनसम्बन्धी सेवा सुरु गरेको छ । बिहीबार गाउँपालिले एक विशेष समारोहको आयोजना गर्दै इलाम सदरमुकामस्थित भूमि प्रशासन तथा नापी कार्यालयबाट प्रवाह हुँदै आएको सेवा गाउँपालिकाबाट शुरु भएको...
दमक, ३० भदौं । याक्थुङ मुन्चइत चोक सयङले आफ्नो १७औं स्थापना दिवस मनाएको छ । शनिबार किरात याक्थुङ चुम्लुङको ललितपुरस्थित चुम्लुङहिमा सांस्कृतिक कार्यक्रमसहित आयोजना गरिएको हो । सयङको नेवाःताम्सालिङ प्रदेश समितिको आयोजनामा कियाचु संघीय अध्यक्ष...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७