झापा, २२ भदौ । झापा जिल्ला एमालेको लालकिल्ला मानिन्छ । सोमबारसम्म कुनै जनप्रतिनिधिले नयाँ पार्टी रोज्दैनन् भनेर ठोकुवा गर्दै हिडेका नेकपाका नेताहरुको मंगलबार भने बोलि बन्द भएको छ ।

झापामा १ वडाध्यक्ष सहित ७ जनप्रतिनिधिले नेकपा एकीकृत समाजवादी रोजेका छन् । शिवसताक्षी नगरपालिकाका प्रवक्ता समेत रहेका वडा नं. ७ का वडाअध्यक्ष नविन इजमसहित ७ जनप्रतिनिधिले नयाँ दल रोजेका हुन् ।

आज(मंगलरबार) अन्तिम दिन जिल्ला निर्वाचन कार्यालय पुगेर एकीकृत समाजवादी रोजेका हुन् । समय अझै बाकी रहेकाले यो सङ्ख्या बढन सक्ने एकीकृत समाजवादी निकट प्रेस संगठनका पत्रकार तीर्थ सिग्देलले बताए ।

समाजवादी रोजेर सनाखत गर्नेहरुमा जिल्ला समन्वय समिति सदस्य पदम लिम्बु, झापा गाउँपालिका वडा सदस्य ईश्वरी दाहाल, शिवसताक्षी ७ का वडाअध्यक्ष इजम, मेचीनगर कार्यपालिका सदस्य लक्ष्मी पाख्रिन, अर्जुनधारा ६ का वडासदस्य अर्जुन मेचे, अर्जुनधारा ३ का वडासदस्य होम दुलाल र भद्रपुर नपाका ९ का वडासदस्य कुन्जा रुचाल रहेका छन् ।

अन्ततः पूर्व प्रधानमन्त्री केपी शर्मा ओलीको गृहजिल्ला झापामा एकीकृत समाजवादीमा जनप्रतिनिधि निल बनाउन सबैतीरबाट सक्दो कोसिस सफल हुन सकेन् । जानकारहरुको विश्लेषण अनुसार झापामा नेकपा एमालेमा ठूलै विद्रोह हुने सम्भावना रहेको वताउँछन् ।