लिम्बुवानखबर । प्रधानन्त्री एवंम् नेपाली काँग्रेसका सभापति शेरबहादुर देउवाका छोरा जयवीरसिंह देउवाले पार्टीको क्रियासिल सदस्यता लिएका छन् ।

प्रधानमन्त्री देउवाका २६ वर्षीय छोराले गृह जिल्ला डडेल्धुराको गन्यापधुरा १ को वडा कमिटिको सिफारिसका आधारमा नेपाली काँग्रेसको क्रियासिल सदस्यता लिएका हुन् ।

बेलायतको युनिभर्सिटी अफ न्यूयोर्कबाट राजनीति शास्त्रमा एमए गरेका सभापति देउवाको छोरा जयवीरसिंहले काँग्रेसको क्रियाशिल सदस्यता लिनुलाई कांग्रेसवृत्तमा चासोका साथ हेरिएको छ ।

गन्यापुरा वडा १ ले उनलाई वडाबाट क्षेत्रिय प्रतिनिधिमा निर्वाचित गरेर पठाउने तयारी समेत गरेको स्रोतले बताएको छ । वडाबाट क्षेत्रिय प्रतिनिधिमा निर्वाचित भएपछि उनी सक्रिय राजनीतिमा आउने पक्का जस्तै भएको अनुमान गरिएको छ ।