लिम्बुवानखबर, २७ भदौं । संखुवासभा मादी १ खोलागाउँमा भएको सामूहिक हत्याकाण्डका आरोपी लोकबहादुर कार्कीलाई प्रहरीले आज सार्वजनिक गरेको छ । संखुवासभास्थित चैनपुर इलाका प्रहरी कार्यालयको प्राङ्गणमा पत्रकार सम्मेलन गरी कार्कीलाई सार्वजनिक गरेको हो ।

मृतकका नाताले भतिजो पर्ने २६ वर्षीय कार्कीलाई प्रहरीले शनिबार नियन्त्रणमा लिएको थियो । नेपाल प्रहरीले लामो अनुसन्धान गरेपछि अन्ततः मृतकका भतिजो नै दोषी ठहर गर्दै पक्राउ गरिएको थियो ।

प्रहरीका अनुसार लोकबहादुरले ठूलो बुबा तेजबहादुर कार्कीसहित उनको परिवारका ६ जनाको विभत्स हत्या गरेको गरेको स्वीकार गरेका छन् । आरोपी लोकबहादुरले हत्यामा चिरपर्टको प्रयोग गरेका थिए । चिर्पटले तेजबहादुरलाई पछाडिबाट टाउकामा हानेपछि उनको श्रीमती त्यछि बुहारी अनि नातिनी र नातीलाई हत्या गरेपछि अन्तिममा हजुरआमालाई हत्या गरेको स्वीकारेका हुन् । हजुरआमा बाहेक सबैलाई चिर्पटको मद्दतले हत्या गरेको हत्यारा लोकबहादुरले स्वीकार गरेका छन् ।

गत सोमबार ९१ वर्षीय बौद्धमान कार्कीकी श्रीमती ८४ वर्षीया पार्वती कार्की, ५२ वर्षीय छोरा तेजबहादुर कार्की, बुहारी ५२ वर्षीया कमला कार्की, तेजबहादुरकी बुहारी ३२ वर्षीया रञ्जना कार्की, ११ वर्षीय नाति दीपेन कार्की र नातिनी ७ वर्षीया गोमा कार्कीको हत्या भएको थियो ।