मेचीनगर, २८ भदौं । संघीय लिम्बुवान मञ्च, नेपाल मेचीनगर १२ नम्बर वडाको संयोजकमा ललित तुम्रोक चयन भएका छन् । सोमबार मेचीनगरको चारआलीमा भएको भेलाले तुम्रोकलाई संयोजकमा चयन गरेको हो ।
मञ्चका महासचिव यलम्बर खम्बूको उपस्थितिमा भएको भेलाले असोज ८ गते वडा अधिवेशन गर्ने निर्णय भएको प्रान्तीय सदस्य नन्दुभाई मेन्याङ्बोले बताए । उक्त भेलामा प्रान्तीय सदस्य अरूणा जवेगु, झापा जिल्ला सदस्य नरेन्द्र कङलिवा र क्षेत्र नं. १ का सदस्य माया इजम काम्बाङकाे उपस्थिति रहेकाे थियाे ।
यसैगरी वडाअधिवेशन सम्पन्न गर्न संयोजक तुम्रोकसँगै सदस्यहरुमा विवेक साँबा, अनुप दाहाल, विरेन्द्र ताम्लिङतु गोबिन्द आङ्बुहाङ, डम्बरहाङ जवेगु र रण बहादुर थाम्सुहाङ् सदस्य रहने गरी अधिवेशन तयारी समिति समेत गठन भएको मेन्याङ्बोलाई लिम्बुवानखबरलाई जानकारी दिएका छन् ।
वडामा तिब्र रुपले क्रियासिल सदस्यता वितरणसँगै टोलटोलमा प्रशिक्षण, भेटघाट तथा अन्तरक्रिया कार्यक्रम गर्दै आगामी अधिवेशन सम्पन्न गर्ने समेत तयारी भईरहेको मञ्चका झापा जिल्ला उपाध्यक्ष अमित खम्बूले बताए ।
Related