धरान, २८ भदौं । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, सुनसरी जिल्ला समितिले क्रियासिल सदस्यता वितरण आजबाट शुरु गरेको छ ।

आज (सोमबार) जिल्ला कार्यालयमा मञ्चका बरिष्ठ उपाध्यक्ष ज्ञान बहादुर गुरुङकाे प्रमुख आतिथ्यतामा जिल्ला अध्यक्ष अमर इजमलाई कार्ड हस्तान्तरण गर्दै जिल्ला समितिले कार्ड वितरण शुभाराम्भ गरेको हो ।

क्रियासिल सदस्यता वितरण कार्यक्रमलाई सम्बोधन गर्दै बरिष्ठ उपाध्यक्ष गुरुङ्ले पार्टीलाई संस्थागत गर्ने मूल मन्त्रनै क्रियासिल कार्ड भएको हुँदा जिल्ला मातहत रहेका सबै समिति र स्थानीय तहमार्फत चाडोभन्दा चाडो वितरण गर्न आग्रह गरेका छन् । उनले अब केही महिना भित्र नै मञ्चको राष्ट्रिय महाधिवेशन गर्ने पर्ने त्यसपछि लगत्तै स्थानीय तहको निर्वाचनमा सरिक हुनु पर्ने भएको हुँदा मञ्चलाई शसक्त र मजबुद बनाउन क्रियासिल कार्यवितरणलाई प्रभावकारी ढंगबाट अघि बढाउन सुनसरी जिल्ला समितिलाई निर्देशन दिएका छन् ।

त्यसैगरी कार्यक्रममा मञ्चका उपाध्यक्ष एवी पन्धाक, उपमहासचिव तथा संचारविभाग प्रमुख दिल कुमार लावती, प्रान्तीय सचिवहरु गजेन्द्रमान चोङबाङ्क्याक, भुपेन्द्र सुन्दर लावती, पूर्णकला तेयङ्, त्यसैगरी सचिवालय सदस्य तथा विद्यार्थी नेता सजन याक्खा, दलिम मुक्ति मञ्चका अध्यक्ष रमेश गजमेर लगायतका प्रान्तीय नेताहरुको समेत उपस्थिति रहेको थियो ।

आज जिल्ला कार्य समितिले पुरानो नविकरण र नयाँ क्रियासिल सदस्य गरी २५० को हाराहारीमा सदस्यतापत्र वितरण गरेको जिल्ला अध्यक्ष इजमले बताए । अब जिल्लाका सबै स्थानीय तह मार्फत वडा–वडा र टोल–टोलमा क्रियासिल सदस्यता वितरणलाई तिब्रता दिदैं आगामी दुई महिनाभित्रमा कम्तिमा १० हजार क्रियासिल सदस्यता पत्र जिल्लामा वितरण गर्ने याेजना रहेकाे अध्यक्ष इजमले बताए ।