बेलबारी, २ असोज । मोरङको बेलाबारीमा आयोजित संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल बेलबारी नगर समितिको आयोजनामा भएको पार्टी प्रवेश तथा क्रियासिल वितरण कार्यक्रममा विभिन्न पार्टी परित्याग गरि लिम्बुवान मञ्चमा प्रवेश गरेका छन् ।
मञ्चका प्रान्तीय उपमहासचिव तथा संचार प्रमुख दिलकुमार लावतीको प्रमुख आतिथ्यतामा बेलबारीको वेतना सामुदायिक बनको सभाहलमा आयोजित कार्यक्रममा उनीहरु पार्टी प्रवेश गरेका हुन् ।
कार्यक्रमलाई सम्बोधन गर्दै उपमहासचिव लावतीले मञ्चको राजनैतिक दस्तावेज पहिचान सहितको संघीयता र संविधान पुर्नलेखन गर्दै १०+१ प्रान्त स्थापनाको मूल मुद्दालाई आगामी दिनमा शसक्त ढंगबाट स्थापित गर्नुपर्ने बताए । मञ्च भनेको नेपालको एक मात्र पहिचानवादी पार्टी हो । विशुद्ध नेपालको माटोमा जन्मिएको, हुर्दिदै शिशु पार गर्दै बामे सरेर यहाँसम्म आईपुगेको पार्टीले एक दिन नेपालका एकात्मकवादी पार्टीहरुलाई पत्ता साफ गर्ने उपमहासचिव लावतीले बताए ।
संविधान दिवसलाई कालो दिन मान्दै आएको मञ्चले संविधानमा भएका असंवैधानिक प्रावधानहरु तुरुन्त पुर्नलेखन गर्नुपर्ने उनले बताए । यदि यसो नगरिएमा आदिवासी जनजाति, मधेशी, मुश्लिम, दलित, थारु, खस, अल्पश्यक समुदाय र महिलाको हकअधिकार कहिल्यै सुनिश्चित नहुने जिकीर गरे ।
कार्यक्रममा मञ्चका पहिचान सचिव सदस्य बम बहादुर मेन्याङ्बो, जिल्ला अध्यक्ष दिलु लिङदेन, बरिष्ठ उपाध्यक्ष जीवन खेवा, सचिवालय सदस्य रामकुमारी लिम्बुले मन्तव्य राखेका थिए ।
नेकपा एमाले, कांग्रेस, माओवादी लगायत विभिन्न पार्टी परित्याग गरी लिम्बुवान मञ्चमा प्रवेश गर्नुहुनेहरुमा छत्र लिम्बु, दल बहादुर लिम्बु, राधा लिम्बु, राजेश चोङबाङ् लिम्बु, निमा राई श्रेष्ठ, दिलकुमारी तोलाङगी, विष्णु लिम्बु, विजय खुदाङ, सन कुमारी लिम्बु, राजु कार्की, सुदन यादव, बहादुर तामाङ्, देवकी योङहाङ, तुलसा कन्दङ्वा, टेकबहादुर लिम्बु र गणेश लिम्बु रहेका छन् । नवप्रवेशीहरुलाई प्रमुख अतिथि लावतीले खादा ओडाई सम्मान गरेका थिए ।
आजको कार्यक्रममा मञ्चले बेलबारीका ३ सय भन्दा धेरैलाई क्रियासिल सदस्य वितरण गरेको जिल्ला अध्यक्ष लिङदेनले बताएकी छिन् । आगामी असोज १६ गतेको पाँचौ जिल्ला अधिवेशनलाई लक्षित गर्दै मञ्चको मोरङ् समितिले क्रियासिल वितरणलाई तिब्रता दिएको जनाएको छ ।
लिम्बुवान मञ्च, बेलबारी अध्यक्ष जिवेन्द्र चोङबाङ् लिम्बुको अध्यक्षतामा भएको कार्यक्रममा स्वागत मन्तव्य जिल्ला सचिवालय सदस्य राम खुदाङले राखेका थिए भने कार्यक्रम संचालन मोरङ् जिल्ला सचिव बरुण लाबुङले गरेका थिए ।
विर्तामाेड, ७ असार । आदिवासी जनजाति पत्रकार महासङ्घ (फोनिज) झापाको आयोजनामा बिर्तामोडमा आयोजित "झापामा सञ्चार: नीति र बजारको प्रभाव" विषयक महत्वपूर्ण अन्तरक्रिया कार्यक्रममा नेपाल पत्रकार महासङ्घ झापा शाखाको अध्यक्षको हैसियतमा अतिथिका रूपमा सहभागी भई विचार...
ताप्लेजुङको मुन्धुमी आस्थाको केन्द्र मुक्कुमलुङ क्षेत्रमा निजी क्षेत्रको आइएमई ग्रुपद्वारा करिब ३ अर्ब रुपैयाँको लगानीमा निर्माण भइरहेको २.७ किलोमिटर लामो केबलकार परियोजनालाई सरकारले खारेज गर्ने तयारी गरेको छ। स्थानीय याक्थुङ (लिम्बू) समुदायले यस परियोजनालाई आफ्नो...
दमक, १७ जेठ । लिम्बू भाषा उच्च माध्यमिक शिक्षा परीक्षा बोर्ड फाल्गुनन्द गाउँपालिका वडा नंÞ २ याम्बोङ् पान्थरले शैक्षिक सत्र २०८२ मा सञ्चालन गरेको लिम्बू भाषा कक्षा १२ को परीक्षा जेठ १६ गते शनिवार सम्पन्न...
ललितपुर, १७ जेठ । आजदेखि तीनदिन छैटौँ नेपाल आदिवासी जनजाति चलचित्र महोत्सव आयोजना हुँदैछ । काठमाडौँ, चावहिलस्थित चलचित्र विकास बोर्डको सभाहलमा नेपालकै सबैभन्दा ठूलो तथा ऐतिहासिक महोत्सव हुन लागेको हो । यस महोत्सवमा नेपालका विभिन्न...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७