दमक, ५ असोज । दमक चौंकस्थित एसएन मार्केटमा रहेको दमककै पूरानो अनलाइन कम्प्यूटरले नयाँँ व्यवस्थापनका साथ आफनो व्यवसाय विस्तार गरेको छ । ग्राहकहरुको सुविधालाई ध्यानमा राखेर अनलाइनले सुविधासम्पन्न व्यवस्थापनका साथ व्यवसायिक कारोवार सञ्चालनमा ल्याएको हो ।

नयाँ आउट लेटको आज एक कार्यक्रमका बीच शुभारम्भ गरिएको सञ्चालक सुरज धिमालले वताए । आउट लेटसहितको शुभारम्भ सञ्चालक सुरजका पिता गणेश बहादुरले रिवन काटेर उद्घाटन गरे ।

साइवर क्याफेबाट व्यवसायिक शुरुवात गरेका धिमालले विश्व वजारमा पाइने सवै किसिमका कम्प्यूटर, ल्यापटप लगायतको सुविधा पुरयाँउन आफूहरु प्रतिवद्ध भएको वताए ।

नयाँ आउटलेट शुभारम्भको अवसर पारेर अनलाइनले एक साता लामो एक्सचेन्जसहित नयाँ ल्यापटप ,कम्प्यूटर खरिदमा छुट तथा आर्कषक उपहार सुविधा राखिएको सञ्चालक धिमालले जानकारी दिए । त्यस अवसरमा दमक जेसीजका अध्यक्ष सुयोग खरेल, सञ्चारकर्मी, व्यवसायीहरु लगायतको उपस्थिति रहेको थियो ।