लिम्बुवानखबर ।  मोरङको केराबारी २ घर भएकी बिष्णुमाया लिम्बुको उपचारका लागि संघीय लिम्बुवान सामाजिक मञ्च कतार प्रवासले आर्थिक सहयोग गरेको छ । गत हप्ता अचानक घरमा आगजनी हँुदा शरीरको ८० प्रतिशत भाग जलेर असक्त भएकी लिम्बको उपचारको लागि कतारले आर्थिक सहयोग प्रदान गरेको हो ।

अचानक घरमा आगो लागेपछि उनको पुरै शरीर जलेको हुँदा हाल काठमाडौस्थित किर्तिपुर अस्पतालमा उपचार भईरहेको छ । डाक्टरहरुका सल्लाह अनुसार उपचारका लागि लामो समय सम्म अस्पतालमा राख्नु पर्ने र आर्थिक भारपनि उतिकै हुने भनी खबर प्राप्त भए पछि सलिसाम कतारले ४८ हजार ६ सय रुपैयाँ रकम सहयोग गरेको हो ।

सलिसाम कतारले उपलब्ध पदाधिकारी एवं सदस्यहरु बिचको भएको छलफलबाट आर्थिक संकलन गरि सहयोग गरेको बरिष्ठ उपाध्यक्ष डम्बर लिम्बुले जानकारी दिएका छन् ।

साथै सलिसाम कतारको हरेक कार्यमा हातोमालो गर्दै आईरहेका तेह्रथुम, सिम्ले निवासी सामाजिक अभियानता विरबहादुर थापाले बिष्णुमायाको उपचारका लागि कतारी रियल १ हजार सहयोग गरेका थिए ।

उपचारर्थ विष्णुमाया सलिसाम कतार अन्तरगत खेलकुद विभागका सदस्य मुस्कान मिभकका आमा हुन ।