पाँचथर, ११ असोज। पाँचथरको कुम्मायक गाउँपालिकाले देवनागरिक र श्रीजंगा भाषा लिपि प्रयोगमा ल्याएको छ । गाउँपालिकाको नवौं गाउँसभाबाट पारित नीति तथा कार्यक्रम मार्फत पारित गरिएको भाषा लिपिलाई सम्पूर्ण सरकारी तथा गैरसरकारी कार्यालयमा देवनागरिक र श्रीजंगा भाषा लिपि कार्यान्वयमा ल्याउन लागेको हो ।

गाउँ सभाबाट पारित भएको दुबै भाषा लिपिलाई गाउँपालिकाको शाखागत कार्यालय, गाउँपालिमा दर्ता भएका सरकारी तथा गैरसरकारी संस्थाको कार्यालयमा अनिवार्य रुपमा नेवनागरिक र श्रीजंगा लिपि कार्यान्वयमा ल्याएको गाउँपालिका अध्यक्ष जयबहादुर चेम्जोङ बताए । सोमबार कुम्मायक १ नं वडा कार्यालयको देवानागरिक र श्रीजंगा लिपिको उत्घाटन गर्दै चेम्जोङले अब सबै वडा कार्यालय र सरकारी कार्यालयमा दुबै लिपिबाट लिपिबद्ध भएका होर्डिङ बोर्ड राख्न निर्देशन दिएका छन् ।

सो अवसरमा कुम्मायक १ नम्बर वडाअध्यक्ष देबेन्द्रकुमार लावती, कार्यापालिका सदस्य उर्मिला निरौला, वडा सदस्य इन्द्रमाया नेपाली, प्रेमराज राई र वडा सचिव राजेश चापागाई लगायतको सहभागिता रहेको थियो । गाउँपालिकाले चालु आर्थिक वर्ष २०७८÷०७९ को देवनागरिक र श्रीजंगा लिपिलाई गाउँ सभाबाट पारित गरी पहिलो पटक १ नम्बर वडामा लागु गरेको छ ।